Video
Read full review
2008-08-07
177 views
尋日打左成日風,番左成日工,落左風之後先收工,只係想食餐飯休息下,但係附近唔少食開既食肆都關門大吉,於是黎左呢度,不過呢晚好多人,可能同打風都有關係。不過,我發現呢度似乜都無…搞到好似同佢玩麥嘜麥兜快餐午餐常餐遊戲咁!我: 唔該,我想要個公仔麵餐,要意粉,雪菜肉絲。侍應: 無晒雪菜肉絲喎!我: 咁炸菜肉絲呢?侍應: 都無喎!我: (諗左一陣)咁如果沙嗲牛肉,可唔可以走辣唔要沙嗲汁呀?侍應: 我地整正個喎,不過廚房都無晒沙嗲牛肉咯!我: 下?又無?侍應: 係呀!賣晒呀嘛!一係你食中式粉麵既菜遠牛肉河果d啦!我: 不過無餐又貴d個喎!侍應: 係呀!咁你想食牛肉又唔要沙嗲嘛!我: 唔好喇,等我睇睇先…侍應: 要腸仔,餐肉,火腿果d啦,果d我地一定有。我: (意興闌珊) 咁我要煎蛋啦。侍應: 係咪公仔麵呀?我: 都話意粉咯!侍應: 無晒意粉喎!我: (此時已想死) 下?意粉都無?侍應: 係呀,無呀!我: 唉!咁通粉啦!如果唔係驚唔好意思,我真係想即刻起身走人!個粉黎到,雖然粉好多,蛋大大雙,但係燶到呢…啖啖食焦囉!唉!小牛既支竹火腩飯都唔好得去邊, 支竹無炸十分淋,火腩少到食幾啖就無,又唔係特
不過,我發現呢度似乜都無…搞到好似同佢玩麥嘜麥兜快餐午餐常餐遊戲咁!
我: 唔該,我想要個公仔麵餐,要意粉,雪菜肉絲。
侍應: 無晒雪菜肉絲喎!
我: 咁炸菜肉絲呢?
侍應: 都無喎!
我: (諗左一陣)咁如果沙嗲牛肉,可唔可以走辣唔要沙嗲汁呀?
侍應: 我地整正個喎,不過廚房都無晒沙嗲牛肉咯!
我: 下?又無?
侍應: 係呀!賣晒呀嘛!一係你食中式粉麵既菜遠牛肉河果d啦!
我: 不過無餐又貴d個喎!
侍應: 係呀!咁你想食牛肉又唔要沙嗲嘛!
我: 唔好喇,等我睇睇先…
侍應: 要腸仔,餐肉,火腿果d啦,果d我地一定有。
我: (意興闌珊) 咁我要煎蛋啦。
侍應: 係咪公仔麵呀?
我: 都話意粉咯!
侍應: 無晒意粉喎!
我: (此時已想死) 下?意粉都無?
侍應: 係呀,無呀!
我: 唉!咁通粉啦!
如果唔係驚唔好意思,我真係想即刻起身走人!
個粉黎到,雖然粉好多,蛋大大雙,但係燶到呢…啖啖食焦囉!唉!
小牛既支竹火腩飯都唔好得去邊, 支竹無炸十分淋,火腩少到食幾啖就無,又唔係特別好味。
另試龍鳳檸樂,話就話係檸檬加咸檸加可樂,但係只係俾兩片薄檸檬,完全無咸味,咪等於普通檸樂,真係飲唔出有咩分別囉(但係貴$2喎)!
本來唔想俾機會佢,但係小牛話可能係風先會咁,我唔知喇,如果下次真係搵唔到地方食野先黎啦!
Post