莆田 (美麗華廣場2期) (Closed)

放工之後仲要幫公司去美麗華廣場做些事，之前幾晚都打邊爐食韓燒，昨晚想食清啲一於食中菜。 第一次到莆田，餐廳裝修用開放式設計，雖然星期四但餐廳都是滿滿的客人。 後來發現莆田是米芝蓮一星餐廳，入到去看餐牌原來是福建菜，冇乜機會食福建菜今次真係要試一試！ 還有昨晚是海蠣當做的時節，所以我也點了一些關於蠔仔的菜式。點了江口家鄉海蠣湯$98，福建特色海蠣煎$108，還有酥炒芋芯$89，百秒黃花魚$69，興化米粉$82。前菜 ~ 菜脯， 用來送粥同餸分都好正。興化米粉 ~ 米粉的質感非常幼細，比起我們平時吃的口感不一樣，有如絲質般的感覺。百秒黃花魚 ~ 餐牌上寫用100秒以明火現燜， 魚肉鮮甜又軟，香氣四溢，充分體現到整條黃花魚的原汁原味。江口家鄉海蠣湯 ~ 鮮香味濃， 湯的味道有微辣帶酸甜，夠開胃。福建特色海蠣煎 ~ 滿滿的海蠣， 煎得又香又軟，味道鮮甜。酥炒芋芯 ~ 喜歡吃芋頭的朋友必吃！ 外層有糖衣薄薄的包住， 一啖一口非常好味。今次是我第一次吃福建菜，感覺新鮮特別，今年做冬我都打算帶家人到莆田試下。昨晚有留意莆田的12人套餐， 都算幾抵食。