Video
Read full review
2017-07-12
200 views
同朋友慶生，放過佢唔駛佢諗食咩好，於是做左勁耐資料搜集，篩選淨日本野，最後就揀左呢間餐廳黎試～朋友就食開好野嘅，而我就係一個比較冇咁「腌尖」嘅人，同埋食得好野少所以同佢食飯揀餐廳都要特別小心～呢間餐廳座位都認真係少，室內嘅得5張雙人枱，跟住室外仲有D枱咁。好彩今日人唔算多，唔駛坐室外，如果唔係大熱天時坐係室外食野都真係幾係野～本身係睇中佢個個好多人推薦嘅蟹黃飯先黎嘅，諗住食硬啦，點知店員話依家冇得食要8月份個陣先會推出，真係傷心死...不過都可以試下其他野嘅，蟹黃飯唯有下次再黎食。同朋友一人叫一個主食，再叫D串燒呀小食呀黎share。佢呢度串燒款式都算幾多，如果唔係就咁食串燒朋友叫嘅係元祖豚骨叉燒湯飯。都幾特別，好少係其他舖見到有湯飯，所以朋友決定挑戰下。由於朋友有D唔舒服，我就冇試佢個飯啦，不過問佢意見嘅時候佢就表示「Er...我好肚餓所以都唔緊要」，所以我就冇再問落去，大家可以自行想像呀～不過佢都表示個湯出奇地冇咩味精，呢個都算係好事黎嘅～而我就叫左個鰻魚飯。近年愛上左食鰻魚嘅我見到鰻魚飯已經好想試，而且佢價錢算平，值得一戰！佢塊鰻魚都算幾大塊，com 住大半個飯而汁都比得好夠，唔
朋友就食開好野嘅，而我就係一個比較冇咁「腌尖」嘅人，同埋食得好野少所以同佢食飯揀餐廳都要特別小心～
呢間餐廳座位都認真係少，室內嘅得5張雙人枱，跟住室外仲有D枱咁。好彩今日人唔算多，唔駛坐室外，如果唔係大熱天時坐係室外食野都真係幾係野～
本身係睇中佢個個好多人推薦嘅蟹黃飯先黎嘅，諗住食硬啦，點知店員話依家冇得食要8月份個陣先會推出，真係傷心死...不過都可以試下其他野嘅，蟹黃飯唯有下次再黎食。
同朋友一人叫一個主食，再叫D串燒呀小食呀黎share。佢呢度串燒款式都算幾多，如果唔係就咁食串燒
朋友叫嘅係元祖豚骨叉燒湯飯。都幾特別，好少係其他舖見到有湯飯，所以朋友決定挑戰下。由於朋友有D唔舒服，我就冇試佢個飯啦，不過問佢意見嘅時候佢就表示「Er...我好肚餓所以都唔緊要」，所以我就冇再問落去，大家可以自行想像呀～不過佢都表示個湯出奇地冇咩味精，呢個都算係好事黎嘅～
而我就叫左個鰻魚飯。近年愛上左食鰻魚嘅我見到鰻魚飯已經好想試，而且佢價錢算平，值得一戰！
佢塊鰻魚都算幾大塊，com 住大半個飯而汁都比得好夠，唔會有dry嘅感覺。不得不提嘅係佢真係比超多飯！如果一個人食晒成碗飯嘅話，應該真係唔駛叫小食都搞得掂。至於味道方面，我覺得都算唔錯，鰻魚又夠嫩口，都幾香鰻魚味。配埋個汁甜甜地，真係會停唔到口一啖接住一淡。雖然唔稱得上頂級，但以佢嘅質素，加埋佢嘅分量，絕對對得住呢個價錢。認真係大件夾抵食
之後我地就叫左香蒜燒茄子，燒甜薯，同埋汁燒鹿兒島和牛。
香蒜燒茄子平時都係我嘅favourite，見呢度都唔算貴，梗係要叫黎試下～呢度嘅燒茄子同我之前食嘅比較起黎，冇燒得咁稔，雖然個人鐘意再稔返少少少少嘅，但其實佢都算ok，稔之餘都添返少少口感。
甜薯就比較普通，就係甜薯囉（係咪講緊廢話）
而一口牛我個 人都幾鐘意，一串有5粒左右，每粒都大大粒。可惜因為佢後來比較遲先上，我又唔記得左影相。
雖然以我呢個窮人黎講都算係比較貴，但唔緊要啦一餐半餐～豁出去～
味道方面岩岩燒起嘅時候都幾香口，牛味都重。而即使佢大大粒及厚身，但佢出奇地唔un，唔通呢個就係和牛嘅威力而肥嘅地方又唔多，我本身就係一個好怕肥肉嘅人，但呢度完全係可以成粒食冇問題～不過個人覺得佢燒得未係好夠熱，差少少，如果可以熱多少少嘅話會更好。
最後就叫左個南瓜雪糕黎作為飯後甜品，見咁多人推薦，即使貴，但唔食好似對唔住自己！
佢真係以原隻南瓜咁上，都幾得意～神奇嘅係我同個fd邊食邊傾，都食左好耐先食晒成個雪糕，但佢都唔溶！呢點我非常欣賞！不過最搞笑嘅係我覺得佢食落唔似南瓜味，而似椰子味（到底係咩奇葩嘅味覺）無論我點食，我都完全食唔出佢有南瓜味。不過我朋友表示佢食得出南瓜味，因為佢以前好憎南瓜，所以對呢種味比較敏感。雖然佢最後都比我說服左係椰子味如果視佢為一個椰子雪糕嘅話，其實佢係幾香嘅，甜度適中，而且口感都夠滑。同埋佢份量都唔算細。不過平心而論，即使佢都算唔錯，但$58食呢個雪糕都真係幾唔抵，去食haagen-daz好似開心D～欣賞佢呢間餐廳冇限時，可以任坐～同朋友坐左成4個半鐘吹水最岩～
總括而言呢餐都算係ok嘅。我會願意返黎試佢個蟹黃飯～等我呀～～～～
Other Info. :
建議餐廳將個叫waiter嘅鐘設置係每張枱個度～雖然樓上好細，唔駛行幾步路就㩒到，但下下插隻手去人地張枱度㩒鐘都唔係幾好
(The above review is the personal opinion of a user which does not represent OpenRice's point of view.)
Post
