The Balcony (Closed)

喺中環皇后大道中的The Balcony，吃精緻西餐，最啱同朋友黎聚會，一路飲嘢一路傾計，慢慢食慢慢嘆，食足三個鐘。小店座位不多，一目了然，另置有室外位置，方便吸煙人士。Order咗個二人餐，有5個course。是日廚師精選沙律係麻醬水蜜桃鴨胸沙律，都幾fresh幾開胃，唔錯！餐飲的凍檸茶。前菜可選兩款，胡椒吞拿魚配烚蛋芥末汁，吞拿魚配上黑椒和蛋汁，再加少量蔬菜，都幾醒胃，幾好！另一道前菜係煎北海道帶子配波蘭汁，帶子鮮味無比，配汁煮蘿蔔真係甜上加甜，鮮上加鮮，正！秘製龍蝦湯用小杯上，很方便飲用的！烤美國野雞配香蒜燒薯雞脾位夠滑，香蒜燒薯幾惹味，只是賣相有點普通。西班牙豬扒配香菇意大利飯豬扒軟嫩入味，意大利飯軟硬適中，不錯！精美甜品拼盤，賣相吸引！比較特別的是薑味雪糕，令人留下印象。