Video
Read full review
2021-09-10
778 views
好鍾意呢間呀！裝潢靚食物正值得寫返個食評做紀錄！一入到去，要填紙仔，店員已經好helpful咁講日期同時間比我知（我成日都唔記得要睇電話，哈）雖然只係平日嘅夜晚，而且時間尚早，但係都幾full下～今晚兩個人食，我哋一齊食意粉、飯同甜品，好飽暖心滷肉飯：呢間餐廳唔只一般嗰啲西式意粉，仲有台式便當飯。啲飯好多（我覺得如果我一個人食下次要叫少飯），一粒粒好好食，滷肉都唔係太多油，五花豬肉唔會好肥（不過有啲人可能鍾意食肥啲），溏心蛋好靚。如果需要仲可以走蔥（order時店員會主動問）。仲有蛋花湯同木耳小食，果然暖胃又暖心！佛羅倫斯花枝乾貝麵：一上碟香氣撲鼻，兩粒帶子大大隻，應該唔係煎好耐全熟，所以先咁厚肉冇縮水又唔韌。仲有魷魚圈，一樣好好味。不過建議大家都要趁熱食，我為咗等齊同影相都搞咗一段時間先起動，個麵就冇咁熱。同埋雖然唔乾身，但我鍾意再多啲汁會更加好！京都宇治抹茶紅豆鬆餅：因為愛文芒waffle已經賣晒，揀咗次選呢個。本身猶豫加唔加轉麻薯餡，礙於太飽就留返下次先試啦。好鍾意佢個擺盤，心形好靚！而且佢嘅雪糕係哈根大師，有質素保證除咗粒馬卡龍（COFFEE味）甜得濟，兩個人分享啱啱好！影咗好
一入到去，要填紙仔，店員已經好helpful咁講日期同時間比我知（我成日都唔記得要睇電話，哈）
雖然只係平日嘅夜晚，而且時間尚早，但係都幾full下～
今晚兩個人食，我哋一齊食意粉、飯同甜品，好飽
暖心滷肉飯：呢間餐廳唔只一般嗰啲西式意粉，仲有台式便當飯。啲飯好多（我覺得如果我一個人食下次要叫少飯），一粒粒好好食，滷肉都唔係太多油，五花豬肉唔會好肥（不過有啲人可能鍾意食肥啲），溏心蛋好靚。
如果需要仲可以走蔥（order時店員會主動問）。
仲有蛋花湯同木耳小食，果然暖胃又暖心！
佛羅倫斯花枝乾貝麵：一上碟香氣撲鼻，兩粒帶子大大隻，應該唔係煎好耐全熟，所以先咁厚肉冇縮水又唔韌。仲有魷魚圈，一樣好好味。
不過建議大家都要趁熱食，我為咗等齊同影相都搞咗一段時間先起動，個麵就冇咁熱。同埋雖然唔乾身，但我鍾意再多啲汁會更加好！
京都宇治抹茶紅豆鬆餅：因為愛文芒waffle已經賣晒，揀咗次選呢個。本身猶豫加唔加轉麻薯餡，礙於太飽就留返下次先試啦。好鍾意佢個擺盤，心形好靚！而且佢嘅雪糕係哈根大師，有質素保證除咗粒馬卡龍（COFFEE味）甜得濟，兩個人分享啱啱好！影咗好多相食完飯唔使另外搵糖水舖都食到靚嘅甜品真係好方便～
野梅荔枝冰沙：好大杯，唔只打卡一流，味道都唔錯。我好怕啲好甜嘅糖水/藥水味飲品，所以揀野梅荔枝想酸酸甜甜+清新啲，落單嘅時候仲特登問一問有無得少甜少冰嗰啲，雖然固定甜度，但除咗個舊cream，整體飲落都唔會太甜！
百香果鮮柚茶：未攪勻嘅時候飲就只係飲到好甜嘅糖水，篤完啲西柚飲好好多，啲西柚仲要大大片，超正呀！
P.S. 想order嘅愛文芒甜品同珍奶sold out有啲失望，希望下次食到啦！
Post
