富軒

Open Now

Now Closed

連續幾日見唔同嘅朋友仔，食好嘢，飲好酒，有啲滯的感覺。今日想食中菜，仲要清淡少少，記起朋友推薦嗰呢間『富軒』話佢豐儉由人，有精緻的中菜，坐啲位又寬敞舒適，咁就最啱宜家我嘅狀態，我來了。嗌咗個孖寶，『白灼海生蝦』和『清蒸沙巴仔』，本來對我來講都已足够，但朋友見隔離檯的『紅燒皇子鴿』幾吸引，又叫咗一隻。首先登場嘅係海蝦，食落好鮮甜，又够哂彈牙，好好味，而條魚亦同樣新鮮，點解咁講?因為聽啲師傅話，如果見到眼珠『飛』出來，證明係新鮮好魚，啲火候亦係啱啱好，不會唔熟，不會過熟，好嫩，好滑，正吖。乳鴿也啱哂口味，開心嘅係有免费糖水送，仲要係我哋喜歡嘅綠豆沙，完全係我想要嘅。