富軒

Open Now

Now Closed

早上去飲茶，一入到門口，帶位小姐只招呼熟客，另外點選點心時，由於我一家人不吃牛肉，點知端上來一碟牛肉球，經理被將單我哋睇，原來不知道是誰畫了牛肉球，經理還把牛肉球放低，我肯定是由別人加上去的（因為我有些記號），再加上這間走廊幾款點心都是微溫的，不是熱的，所以不會再光顧。

- 上菜非常慢，包括主菜、甜品、飯。從點菜到上菜需要很長的時間，即使是在非高峰時段，等候時間也讓人失望- 菜式大同小異，很多重複。菜單上的選擇雖然看似豐富，但實際上很多菜式之間沒有太大差異，容易讓人感到乏味- 價格配不上質量，味道和食材都很讓人失望，CP值遠比商場其他茶樓低。這家餐廳的價格相對較高，但菜品的味道和食材質量卻未達到預期，性價比明顯低於商場內的其他餐廳- 服務態度一般，服務員不積極。服務員的態度冷淡，對顧客的需求反應遲緩，缺乏應有的熱情和專業精神基於此次糟糕的就餐體驗，不打算再來第二次

老公朋友推薦，今午兩口子便去試試，下午茶時間超多人，等了30分鐘便安排入座，看open rice有人推介人蔘烏龍茶，可惜售馨🤣。.下午茶餐點有很多選擇😋，翡翠鮮蝦腸又售馨😅~叉燒湯檬👉叉燒厚切又淋多汁配檬👍~蜜汁叉燒飽👉餡料調味不錯~花旗蔘蝦餃皇👉花旗蔘汁浸蝦餃😂味道一般~孖寶>>金瓜棉花雞+鮮蝦菜苗餃 👉前者份量大又多食材，整體味道不錯😋 👉後者皮厚實，一口滿滿菜苗。~五福點心拼盆>>蝦餃+燒賣+潮洲粉果+雞飽仔+薑汁 千層糕各一件，對首次到訪的我，一定會選上😂 👉五款點心一般，唯燒賣口感麻麻😅整體酒樓環境不錯，服務員友善，有些點心份量大，CP值高🥳👍

花市開幕首天便去逛逛，到花市前便到富軒飲茶，因其地點鄰近維園，較為方便。我們一行四人，點了9款點心，應該差不多夠食，不會太飽，但第一碟來到的煎堆已震撼眼球，煎堆大如粥粉麵舖售賣的尺吋，真的沒有預計酒樓點心的煎堆這麼大個，吃了一個已飽了一半。其他點心如雪山叉燒包、雞紮、牛肉及鳳爪等都偏向大碟，只有普通叉燒包是正常尺吋。食物味道一般，但很飽肚。酒樓都頗大，可能人手不足，所以不能隨時找到人協助，亦不能適時加水。

（唯一女經理）待客態度 差到離普 叫左炒蟹食 價錢係逐隻計，我哋叫咗兩隻，上到枱基本上一隻大一隻細 起初好聲好氣 同個男副經理講 男副經理亦 確定 有一隻是與 商品說明條例 不符合既約六兩重 一睇個蓋都知不足秤 得三两咁呢位男副經理都話再炒過隻啦 跟住男副經理同呢位（唯一女經理）講 （hi唯一女經理）走埋黎 態度非常惡劣 喵嘴喵舌 勁嫌棄咁話足秤架啦 我地好聲好氣咁話再話睇個蟹蓋size唔夠啦 個蓋比另一隻都細成兩個碼 可唔可以淨係換返嗰隻唔足秤嘅俾我哋？佢即時發悔氣 拿起個蟹蓋 係客人枱掟餸 勁大聲咁話話咁取消啦 問都冇問過就全碟拎走咗！ 我地真係嚇呆咗、只係好聲好氣話不如你換返隻足秤嘅比我哋 佢就發爛渣、態度非常惡劣、突然成碟拎走咗話係咁㗎啦 取消囉！跟住同男副經理投訴 叫呢位無禮貌的（唯一女經理）黎道歉 而佢唔肯 還講大話話無掟 一台四人八隻眼都睇住佢掟 爭大眼講大話 呢位（唯一女經理）似住自己有後台 亦估計係 因為竟然其他經理說為她道歉 由此証明 跟本就（唯一女經理）說 足秤是理虧的 她犯錯 無理由 要其他人代為道歉 所以此人 （唯一女經理 ）工作態道十分有問題 連佢地既

第一次嚟銅鑼灣飲早茶，喺皇室堡嘅6樓，見到都比較多街坊嘅老人家上嚟飲，但係其實啲位大多數都要搭枱，由於我同朋友兩個人飲茶，所以我哋特登選擇咗兩個位嘅座位，咁我哋要咗鐵觀音，開頭聞到都香味，打開茶壺見到係茶葉覺得幾香味，因為而家好多酒樓都已經轉晒茶包嗰啲茶，其實都唔係咁香同埋冇咁濃郁。但係呢度嘅茶係茶葉，我哋叫咗馬拉糕全籠咁好食。我哋再叫咗兩個孖寶，虎椒幾好食。蝦餃腸粉我覺得皮比較厚少少但都OK嘅。。燒賣不過不失，鯪魚球好好食。總括嚟講都做得唔錯，係好食嘅。不過侍應各方面就比較忙，加水有啲耐。

爸爸生日快樂！🎉為了慶祝爸爸的生日，妹妹訂咗銅鑼灣皇室堡富軒酒家享用晚餐。這裡的環境相當寬敞，當晚我們有一間獨立的房間，非常舒適，過了一個開心的晚上❤️🐱鴻運乳豬全體 乳豬皮烤得非常脆口，色澤均衡，肉質鮮嫩, 一塊接一塊食唔停🐱 上湯焗波士頓龍蝦伊麵（3隻）伊麵煮得剛好，吸收了濃郁的上湯。波士頓龍蝦大隻多肉，廚師將佢哋切好，非常容易食🐱 富貴玉帶蚌片這道菜色彩繽紛，蘊含著不同顏色的蔬菜，蚌片，帶子的份量多🤤也大大粒🐱 七彩燕麥百花球外觀非常特別，色彩繽紛。外皮上有燕麥，口感酥脆，裡面的蝦膠入味🐱 紅燒海皇大生翅湯底清甜，但翅的份量不太多🐱 𧐢皇原隻鮑魚鵝掌鮑魚炆得入味、鵝掌大隻🐱 清蒸金花龍躉龍躉蒸得剛剛好，肉質鮮嫩，有面珠墩食🐱 蒜香脆皮燒雞雞皮烤得脆口，入口時散發出濃郁的蒜香味道🐱 瑤柱蛋白炒飯炒飯粒粒分明，加入了瑤柱和蛋白，不乾身，有咬口🐱 上湯鮮蝦水餃每個水餃都有豐滿的蝦肉餡料，每人兩粒，大滿足🍑蓮蓉桃包最期待的生日壽桃包，蓮蓉甜而不膩，包皮鬆軟，打卡必備

原來銅鑼灣皇室堡飲茶好抵食❤️點心拼盤每樣點心都有一件👍🏻可以試到吾同點心🙌蝦餃燒賣，腸粉都好好味😋正常水準如果腸粉份量多少少會好一點囉 唔夠分 😆炸物上菜時都熱辣辣👍🏻口感香脆最鍾意食蘿蔔絲酥餅 鬆脆 多蘿蔔 冇得輸適合約朋友飲茶傾計

朋友生日揀咗皇室堡地點方便，之前嚟飲茶一般，見到門口推介 晚飯三寶套餐$788 有龍蝦伊麵 片皮鴨加二食 乳豬件，好吸引即管試下，諗住都係一般份量。後來發現多一個優惠餐，推介疫情價餐$88 已經包括煎蝦碌及蟹肉野菌南瓜豆腐石鍋。食物來到才知不可說笑，原來是乳豬件半隻，龍蝦伊麵也很夠份量，片皮鴨份量很多，我們揀選了涼瓜炆鴨件不需額外收錢， 炆鴨味道很入味，我們六人本來想再加餸都怕吃不完。第一次來吃晚飯價錢比以前便宜了可能附近多了兩間酒樓有了競爭，但估不到份量都很足夠，味道更是比想像中好吃，可能不算太忙，侍應服務都很好主動幫我們換碟，希望保持呢個水準吸引回多些客人。

點心極之麻麻，勝在喺銅鑼灣地段中夠平，全部皆為長輩們常客。閒日早市10點幾黎到，非常熱鬧，仲要等位添，以為應該都唔錯，點知大失所望店員問要唔要搭枱，唔使等位，我見冇咩所謂就OK咗，點知一張枱搭三枱客，夠晒慳地方🫨仲要角落頭位冇冷氣，諗住換地方食架啦，一行出去店員就換咗張枱俾我哋😅😅um⋯⋯至於嘢食質素，可以話係普通之中嘅唔好食。腸粉皮太厚，燒賣裏面好多都係肥豬肉同麵粉，蝦餃亦都唔太新鮮。雞扎入面只有三款餸：豬皮、雞肉同蟹柳，完全係另一回事。樓面們的侍應態度都幾差下，可能太繁忙啦，但唔明呢個質素點解仲咁多長老們食🫣應該係因為夠晒平掛，買單每人都唔過百。

皇室堡地道酒樓 富軒今日嚟到銅鑼灣，一於同屋企人去飲茶。去咗皇室堡呢一間酒樓，發現佢性價比幾高，味道亦都唔錯！幾個點心比較出色：雪山叉燒包：嚟到大大隻！仲好香口😆落去好鬆軟，份量亦都好大，大個拳頭🤣🤣帶子腸粉：帶子腸粉好鮮甜，腸粉係煙靭嗰種，每一嚿都有一粒帶子，口感好滿足🤭🤭😋南乳豬手：南乳豬手好入味，滿滿嘅骨膠原😎藥膳雞腳：藥膳雞腳亦都有好濃嘅藥材味，處理得好乾淨！總括嚟講味道同環境都唔錯，好有香港地道風味😎🤓

疫情前來過這里飲下午茶，當時覺得食物質比東海酒樓更合理和多選擇。前天再去吃感覺很失望，煎薄罉餅和黃金糕來到已冰凍，就算叉燒腸粉也不是很熱，幸好其他蒸點心都較熱。點了凉瓜斑腩炒河也不是很熱，幸好味道還好。整體是價錢加價了，但食物卻失準，有點失望。

呢間茶樓獨有既人參烏龍茶味道甘香有茶味，吞嚥後有種甘甜，很特別。聞說是由自己既茶庄所種的茶葉沖泡，外面沒有得賣，而且茶樓也不會賣茶葉出去。富軒燈火通明，早茶及下午茶時間特別多人。喧鬧的茶樓振奮精神，令人飲茶時份外有氣氛。福建炒飯🍚呢碟炒飯睇落好多芡汁，但食落炒飯底都很香口。芡汁為乾身的炒飯帶來美味的味道，蝦肉、帶子及蔬菜都配合得恰到好處。蒜蓉菜芯🥬呢個菜味道不過不失。脆皮燒雞🐓外脆內軟，雞肉滑嫩多肉汁，入口即化。紅棗糕♨️很香紅棗味，質地彈彈的，一層層的，甜度適中。春風得意腸♨️中間的米網略略不夠脆，可能被腸粉皮及豉油浸冧了。蝦腸🦐不過不失。流沙奶黃包♨️包體鬆軟，流沙是熱滾滾的香滑奶黃。小籠包♨️皮不夠薄，內有湯汁，要小心夾。燒賣♨️蝦肉太粒，燒賣有咬口。來到富軒，不妨考慮叫一壺人參烏龍茶👍🏻。#富軒 #人參烏龍茶 #福建炒飯 #蒜蓉菜芯 #脆皮燒雞 #紅棗糕 #春風得意腸 #蝦腸 #流沙奶黃包 #小籠包 #燒賣

兔仔食蘿蔔，兔年岩晒食蘿蔔糕🤍兔年吉祥話｜四字吉祥話玉兔迎春🤍好運兔U🖤揚眉兔氣💜奮發兔強💙福兔迎祥💚宏兔大展💛前兔似錦🧡錢兔似錦❤️兔躍納福🤍福兔賀歲🖤兔年吉祥話｜五字以上吉祥話兔年行大運💜玉兔迎春添新象💙新春旺市迎玉兔💚金兔祈福，闔家幸福💛新春開運，鴻兔大展🧡Happy New Year 兔 you.❤️萬事如意迎新年，玉兔迎春旺全年🤍去年虎哩發大財，新春兔來事業展🖤雖然蘿蔔糕味道同海皇粥店嘅差唔多但起碼唔難食唔難煎先不過不失啦

今晚和屋企人去銅鑼灣皇室堡「富軒」提早食團年飯，我們叫咗：1️⃣ 12位消費宴 $2,188- 海蜇乳豬件- 上湯海蝦伊麵- XO醬彩椒花枝鳳片- 紅燒海皇燴翅- 沙律千島骨- 清蒸大金花龍躉- 百花釀肉環- 蒜香脆皮燒雞- 瑤柱蛋白炒飯- 大師糕點*** 茶芥全免 ***2️⃣ 藍妹啤酒大樽裝 (2 x $34.8）$69.63️⃣ 各式汽水罐裝 (2 x $12) $24項目總計：$2,281.64️⃣ 加一服務費 $9.4總計：$2,291整體來講：食物及分量都唔錯，上菜速度極快，一個菜未食完已經來另一個菜，可能因為好抵食，好多客人都叫這個套餐