Video
Read full review
2018-08-08
164 views
今日有幸朋友仔請食飯，強力推介依間泰式餐廳。而且指定午餐之選。我早到攞左位後，侍應遞餐牌時提醒午餐去到2點半，我拿拿淋影左張餐牌再ws比朋友。落單個時亦都有問經理，因朋友未到，可否食物後上, 經理話無問題，佢亦都擔心早上食物影響品質。由於唔食辣，原本想食海南雞，結果賣晒於是試下個軟殼蟹，我朋友就揀左有機黑米。（佢話上次食過，好好味喎）侍應先上餐前小食，由於對泰國菜唔係好熟，所以除左認得舊菠蘿，其他食物唔知係咩尼（知道另一樣係葉）。菠蘿上面個饀咸咸地，配埋舊菠蘿，酸酸甜甜，幾惹味。另一份朋友教連埋塊葉一齊食，食落幾清新。我地都加錢轉左椰子雞湯同冬蔭公，椰子雞湯一上枱就聞到香味，碗湯味道好濃，鐘意食雞既應該會好鐘意。朋友個冬蔭公都好足料，隻蝦都幾大隻。雖然飲完個濃湯，但再食個炒飯都唔會搶左味。軟殼蟹夠晒脆，好香口，不過怕辣既小心，因為上面淋左少少酸辣汁。飯係粒粒分明，唔會黏埋一舊舊（經理無講錯,真係即煮架）。同朋友用軟殼蟹等價交換舊排骨。排骨好大塊，而且好冧好juice，都唔洗用刀切都已經可以骨肉分離，再加上乾蒜，又香又惹味。餐飲揀左Thai Ice Tea（朋友揀左西瓜汁）,岩岩點完，就
我早到攞左位後，侍應遞餐牌時提醒午餐去到2點半，我拿拿淋影左張餐牌再ws比朋友。落單個時亦都有問經理，因朋友未到，可否食物後上, 經理話無問題，佢亦都擔心早上食物影響品質。
由於唔食辣，原本想食海南雞，結果賣晒於是試下個軟殼蟹，我朋友就揀左有機黑米。（佢話上次食過，好好味喎）
餐前小食
14 views
0 likes
0 comments
侍應先上餐前小食，由於對泰國菜唔係好熟，所以除左認得舊菠蘿，其他食物唔知係咩尼（知道另一樣係葉）。菠蘿上面個饀咸咸地，配埋舊菠蘿，酸酸甜甜，幾惹味。另一份朋友教連埋塊葉一齊食，食落幾清新。
椰子雞湯
11 views
0 likes
0 comments
我地都加錢轉左椰子雞湯同冬蔭公，椰子雞湯一上枱就聞到香味，碗湯味道好濃，鐘意食雞既應該會好鐘意。朋友個冬蔭公都好足料，隻蝦都幾大隻。
雖然飲完個濃湯，但再食個炒飯都唔會搶左味。軟殼蟹夠晒脆，好香口，不過怕辣既小心，因為上面淋左少少酸辣汁。飯係粒粒分明，唔會黏埋一舊舊（經理無講錯,真係即煮架）。同朋友用軟殼蟹等價交換舊排骨。排骨好大塊，而且好冧好juice，都唔洗用刀切都已經可以骨肉分離，再加上乾蒜，又香又惹味。
餐飲揀左Thai Ice Tea（朋友揀左西瓜汁）,岩岩點完，就聽到吧枱部榨汁機，睇尼係即榨真西瓜汁。至於我個杯奶茶，真係好飲過出面好多台式奶茶。因為減肥既關係，出街飲野都會走甜，今次因為之前食物每樣都好正，所以都想試下個泰奶茶原味如何。杯野好飲到呢，一來唔會甜到飲糖水咁，茶味岩岩好，另外佢當中夾左一個味道(淡淡地，但唔知咩尼）變得好好飲。
綜合尼講，雖然對打工仔尼説，餐飯係偏貴少少（有幸有人請）。但真心值依個價，唔會中大伏。服務又好，食物品質又唔錯，真係好有貴賓級酒店式享受。希望下次再有機會，可以試到佢既海南雞同下午茶（我見有個雀籠點心，好打耳）
軟殼蟹芒果炒飯
24 views
0 likes
0 comments
補上一張，窗邊海景相。
Post
