壹茶 (Closed)

一黎就上左3樓啪左個手抓餅，價錢唔貴，但味道一般，都係太安樓同龍門居嗰間好食。然後對面見到呢間壹茶，平日關係，客人唔多，只係等左幾分鐘就搞掂。飲品選擇都幾多，而且都稱得上平，定價$14-24， 有奶茶、水果茶、蛋糕奶茶、紅茶、沙冰茶、芝士等系列，可加 $3-4 配珍珠/紅豆/oero/寒天/蛋糕/芝士。芝士四季春 $17呢度嘅芝士系列只需 $16-19，揀左四季春，芝士層睇落就厚，但質地稀身，芝士味亦都唔明顯。茶味有但唔會好濃，質素符合價錢。皇家珍珠奶茶 $16雖然都重奶味，但至少飲到有茶，甜度亦適中，珍珠普普通通，尚算煙韌。整體質素普通，始終葵廣選擇多，我下次都係會試其他款式，甚至試其他茶飲店。