茶木‧台式休閒餐廳 (荃新天地)

Open Now

Now Closed

難得星期六有得放假👨‍👩‍👧，一家無懼疫情外出走走，去到荃灣新天地行下、食午餐🍽。最後都選擇咗嚟茶木（雖然屋企附近都有茶木），因為啲嘢都啱我哋嘅皇帝女食😅點咗：🥢紅燒半根半腩牛肚麵：平時老公通常都係食紅燒牛肉麵，今次我叫佢試這個，因為有多啲唔同嘅餸，有牛腩、牛根、牛肚配埋紅蘿蔔🥕，的確好豐富，一碗麵有咁多唔同嘅嘢，正🤩🥢台式肉燥麵：開頭以為係湯麵，原來係撈麵，另上湯，幾好，最欣賞佢有勁多花生🥜，好味😋重點嚟啦！！！皇帝女最愛嘅係佢杯熱棉花糖朱古力☕️，熱朱古力上面佈滿細粒嘅彩色棉花糖🍭成杯佢飲晒囉😒，我同老公係飲凍黑糖珍珠奶茶（係兩個人飲一杯囉😏）滿足的一餐😋