樂天皇朝 (將軍澳中心)

Open Now

Now Closed

晚上約埋家人到將軍澳中心，食下#樂天皇朝 的野食。食住炆得軟淋的餐前小吃, 選擇食物囉。皇朝小籠包，八種口味分別有原味，川菜，蒜香🧄，芝士🧀️，人參，🦀蟹粉, 鵝肝同埋黑松露，我喜歡吃濃味的嘢食，故吃左蟹粉、黑松露、川菜同芝士，款款味道各有特色，最喜歡吃的是蟹粉小籠包，蟹粉味好鮮甜。紅油抄手，皮薄餡料足，帶麻香味且不會過辣，拌勻紅油食就好開胃啦。上海炒飯，上海炒麵食得多，上海炒飯未試過，原來是用醬油令色香味俱全，炒得夠晒火喉，但味道剛好不會過鹹，配料有蝦粒、叉燒、蛋花同蔥粒，咸香味撲鼻，飯粒分明，好快就比我地清左碟😊。