泰金國

Open Now

Now Closed

終於再次食到泰金國啦！！！離開咗九龍城區後好耐無食，每次經過餐廳門口都大排長龍，就算幾熱的天氣都有人排隊，犀利！上星期趁假期特別過去九龍城逛一轉，見門口無人，入面又有位，即入！坐低！叫嘢食！燒牛肉餐廳必食item，即叫即燒，所以要等大約15分鐘。我選擇咗50%熟度，肉味好濃郁，而且爆多汁。我最鍾意嘅部分係，一大塊燒牛肉，最中間肯定會燒到5成熟，至於兩側的牛肉的確會比較熟少少，但又不致於熟至乾韌，更覺得食到另一種口感而開心，keep得住水準，大推！豬肉碎炒泰式粉絲主食方面分量比較大，女仔絕對可以兩份share住食。豬肉碎炒泰式粉絲好有鑊氣，略嫌稍鹹咗少少。泰式炒飯賣相雖然普通，但食落好有火候，鑊氣十足。而且有炒蛋、泰式腸仔、蘿蔔粒、豆角粒等等，都幾足料。飛天炒通菜麵豉醬汁過濃，有點過鹹。芒果沙冰難以抗拒的經典泰式飲品，用餐當日幾乎每枱都見到芒果沙冰的蹤影。椰汁沙冰大大杯，同樣超讚！