Video
Read full review
2012-09-13
2193 views
第3次o黎Coup Kitchen上堂, 第1次係學整楊枝甘露慕士蛋糕, 第2次係學整檸檬蛋白杏仁餅及紅桑子蛋白杏仁餅(Macaroon), 2次都好成功!!!今次冇人生日, 冇o野要慶祝, 只係為咗試下眾BLOG友都讚不絕口, 連續幾個月都報唔到嘅皇牌Course--黑加倫子香檳半圓球蛋糕 Cassis Champagne Creme Brulee Cake!!!雖然有一半以上失手變咗花面貓, 不過經阿Sir嘅助手進行深切治療, 花面貓返生了... 個樣仲呃得吓人... 阿Sir示範嘅白朱古力片其實唔係咁嘅款, 係有同學整米老鼠耳仔, 我又跟風之嘛...晚上給家人試食, 大部分人都食得津津有味, 唯獨姪女食得好慢好慢好慢... 原來佢好怕食酸o野, 又唔敢唔食, 怕我唔開心, 哈哈, 真係難為咗佢囉... 之所以咁酸, 唔關阿Sir事, 係我貪心, 阿Sir叫咗我地落黑加倫子餡肉唔好落埋浸住嘅汁, 我落埋囉...面層黑加倫子忌廉都打得OK滑溜, 酸甜度適中... 中層嘅香檳忌廉香檳味好濃郁, 食落有d醉醉地... 芯層嘅黑加倫子餡因為我落埋d汁, 就真係有少少酸到打冷震... 下次我
今次冇人生日, 冇o野要慶祝, 只係為咗試下眾BLOG友都讚不絕口, 連續幾個月都報唔到嘅皇牌Course--黑加倫子香檳半圓球蛋糕 Cassis Champagne Creme Brulee Cake!!!雖然有一半以上失手變咗花面貓, 不過經阿Sir嘅助手進行深切治療, 花面貓返生了... 個樣仲呃得吓人... 阿Sir示範嘅白朱古力片其實唔係咁嘅款, 係有同學整米老鼠耳仔, 我又跟風之嘛...
晚上給家人試食, 大部分人都食得津津有味, 唯獨姪女食得好慢好慢好慢... 原來佢好怕食酸o野, 又唔敢唔食, 怕我唔開心, 哈哈, 真係難為咗佢囉...
之所以咁酸, 唔關阿Sir事, 係我貪心, 阿Sir叫咗我地落黑加倫子餡肉唔好落埋浸住嘅汁, 我落埋囉...
面層黑加倫子忌廉都打得OK滑溜, 酸甜度適中... 中層嘅香檳忌廉香檳味好濃郁, 食落有d醉醉地... 芯層嘅黑加倫子餡因為我落埋d汁, 就真係有少少酸到打冷震... 下次我都唔敢再貪心o架啦...
我地上堂之前一晚係教"雙層雲石芝士蛋糕 Double Layer Marble Cheese Cake", 焗緊D餅底期間, 阿Sir請大家試食, 唔使大家企係響樹呆等... 都幾好味架, 下次都可以試下Take呢個Course...多次到Coup Kitchen上課, 有好多原因...
1) 位於天后, 算係好近我住的區域...
2) 有下午時段, 唔使放工去同人迫, 又唔使放學時都接近宵夜時段, 唔適合食用制成品...
3) 大量學員放上BLOG的制成品都係極之靚, 唔似某D教室嘅Website, 課程相片就好靚, 但制成品就不堪入目...
4) 明星效應... 大量娛樂圈嘅人上過Alfred Cheung嘅堂, 有郭富城、梁詠琪、吳日言... 仲有呢度係周麗淇MV〈可惜他有女朋友〉(男主角係鄭伊健)的拍攝場地...
5) 課室設備很週到, 有Sofa, 有Locker, 所有用具都放齊係Drawer, 唔需要排隊拎...
6) 服務亦很週到, 唔需要排隊拎材料, 每次Alfred示範時, 助手就會派好材料到各人的枱面... 制作時助手們亦不時會監察你的進度, 會不時提示, 有需要時更會出手救助...
Post
