5
7
1
Level4
2018-05-15 1410 views
發現有新酒樓喎,就相約爸媽一齊茌個下午茶吧 ﹗Saturday Family yum ha Ng cha。發掘新地方、新酒樓,唔洗食來食去都得幾味,好悶架麻 ﹗阿媽話開左幾年,唔係掛?我完全留意唔到。點心名起得十分有創意,激發好奇心,就算平凡的蝦餃燒賣鳳爪排骨,改個前衞靚名即刻想試。口水雞,面層只有甜甜豉油味,辣味麻味全部沉底呢,撈混再食更好味。微麻微辣加微香,不幸帶點澀味。肥雞肥得黎未算過份,可以接受。胸棉有點乾,髀夠滑而皮香嫩。黑松露醬燒賣,輕煙飄飄剛剛出爐,大大舊啖啖肉熱辣辣又香噴噴 ﹗蝦爽肉彈,味道不錯,如果有豆瓣醬就更好心啦。不太食到松露味喎,發現倒轉入口才正確,讓味蕾跟黑松露醬直接碰撞,即時感受到濃濃芳香黑松露味道,哈哈 ﹗四寶雞紮,包得實淨美觀,完整無穿窿,無甩皮甩骨,靚靚仔仔送到,Good ﹗不用芋頭用鮮淮山非常好,一向以為芋頭極平所以間間食肆搶住用,好怕芋頭那種霉霉的異味。阿媽話芋頭好貴架,比淮山貴好多喎,但點睇個樣都係鮮淮山比較貴。有皮雞柳真少見,不過不失有點硬但嫩滑,醃味普通。魚肚索盡肉汁爽甜,香菇味濃彈滑,淮山半爽半粉大愛,腐皮半爽半嚥韌,整體蠻不錯,讚。水晶蝦
Read full review
發現有新酒樓喎,就相約爸媽一齊茌個下午茶吧 ﹗Saturday Family yum ha Ng cha。發掘新地方、新酒樓,唔洗食來食去都得幾味,好悶架麻 ﹗


阿媽話開左幾年,唔係掛?我完全留意唔到。點心名起得十分有創意,激發好奇心,就算平凡的蝦餃燒賣鳳爪排骨,改個前衞靚名即刻想試。


口水雞,面層只有甜甜豉油味,辣味麻味全部沉底呢,撈混再食更好味。微麻微辣加微香,不幸帶點澀味。肥雞肥得黎未算過份,可以接受。胸棉有點乾,髀夠滑而皮香嫩。


黑松露醬燒賣,輕煙飄飄剛剛出爐,大大舊啖啖肉熱辣辣又香噴噴 ﹗蝦爽肉彈,味道不錯,如果有豆瓣醬就更好心啦。不太食到松露味喎,發現倒轉入口才正確,讓味蕾跟黑松露醬直接碰撞,即時感受到濃濃芳香黑松露味道,哈哈 ﹗


四寶雞紮,包得實淨美觀,完整無穿窿,無甩皮甩骨,靚靚仔仔送到,Good ﹗不用芋頭用鮮淮山非常好,一向以為芋頭極平所以間間食肆搶住用,好怕芋頭那種霉霉的異味。阿媽話芋頭好貴架,比淮山貴好多喎,但點睇個樣都係鮮淮山比較貴。


有皮雞柳真少見,不過不失有點硬但嫩滑,醃味普通。魚肚索盡肉汁爽甜,香菇味濃彈滑,淮山半爽半粉大愛,腐皮半爽半嚥韌,整體蠻不錯,讚。


水晶蝦餃,蒸過龍使到餃皮爆破,半溶黏口不舒服,幸好大大粒蝦鮮爽而有鮮味,不咸不腥,我想要豆瓣醬啊 ﹗鮑汁炆鳳爪,皮肉爽脆,再炆耐一點更好,能膠膠黏黏會更可口,鮑汁稀稀的,似滷水豉油。


芋頭糯米卷,不是最怕芋頭,係最憎才是。濃烈發霉味好可怕,一向都唔食芋頭的,單純的甜豉油撈糯米飯,有點濕,唔難食既。


乾炒牛河,好淺色豉油,淡而不香,懶得攞辣椒醬照食。牛肉鬆鬆的,免免強強。我唔食洋蔥芽菜架,慢慢揀走再大啖食。無鑊氣勁油淋淋,食完嘴仔油淋淋立立令,河粉夠完整實淨帶彈。


杜小月野菌炆伊麵?見個菜名改得那麼有文采就試試啦。部長啊,我都話要走蔥走韮黃走芽菜咯,您走左咩呀?走菇走薑走菇會否太奇怪呢?


伊麵依然有芽菜、有菇粒,還多左我討厭的芹菜啊 ﹗花點時間耐心地續條續條芽菜、芹菜挑走才可以放心大啖大啖咁食,睇清睇楚真的乾乾淨淨,可以放入口喇 ﹗味道真的不錯喎,豉油甜美清爽散發陣陣香菇甜味,不油不膩。伊麵完整嚥韌又充滿彈性,可以講得上好食的啊。


酥炸魷魚鬚,勁有份量有睇頭,從未見過有咁大碌架,認真落重本。新鮮炸走滾熱辣,熱力迫人,好香喎。雖然阿媽話厭韌不喜歡,我覺得不是靭,是彈牙就真 ﹗彈得黎又有咬口,難得一見的巨形觸鬚,魷魚鮮味特強,薄薄鬆化脆漿格外可口,滾上酸酸喼汁夠開胃醒神,好味道 ﹗


蠔皇鮮竹卷,熱騰騰係非常重要,否則蠔汁會變得杰撻撻一舊舊又鹹又澀架 ﹗依碟夠高溫,餡料飽滿實淨,燙住嘴仔整條塞入去。爆開 ﹗灌湯一樣的感覺,肉汁湯汁跟蠔汁混和,甜美無敵,腐皮半滑半嚥韌水潤綿綿,無得彈,心心眼。


棉花銀紙雞,前衞有創意,新潮的演繹。半炆半焗的烹調方法,可以鎖住所有香氣肉汁在錫紙內,使到材料平均受熱,快熟得來又肉質嫩滑。魚肚棉花索盡湯汁肉汁夾上雞柳品嚐,出奇的美味,讚不絕口呢﹗陽光豉蒜蒸排骨,肥騰騰喎,無咩肉食到,油淋淋帶著豆豉蒜蓉香,但始終都係麻麻地,感受不到半點陽光。


叉燒包,阿媽最愛食飽食糕食湯米,但我一向全肉全點心,最多都係加碟菜。厚厚的包皮,未見軟塾彈手,麵包微暖欠麵包香氣,餡太少太削而乾乾的,味道淡淡。我要食多多餡、多多汁,要飽滿到差不多爆開先滿意架,味道要香濃又要多肉。流心奶黄包,反而這個做得不錯,搣好一半,奶黃奔流,咸蛋黃咸香出眾,混上甜甜奶油如虎添翼,幸福。


燒雞窩瀨,由細到大都不喜歡瀨粉的我,突破自己,再試試吧。高潮到喇 ﹗使我眼前一亮,炸得黃金乾爽,淡紅誘人 ﹗炸雞香氣環繞四周,薄薄燒雞皮脆卜卜,包著白滑嫩肉無得頂,肉汁鳳脂滲出,甘香甜美無可抗拒。


難得處理得如此高質,靚雞皮光肉滑君子好求﹗高潮疊疊起,再度高潮 ﹗高湯香甜味濃,連湯帶瀨粉啜入嘴仔,滑彈完整不散碎,食得津津有味,回味無窮,第 1 次讚 ﹗


白灼芥蘭,極上芥蘭甜到入心入肺,不老不粗糙又無渣,只甜不澀,爽嫩多汁,沾上蠔油將味道推到更高層次 ﹗時蔬鯪魚球,芥菜膽配鯪魚球?帶甘味道的芥菜膽,沒有菜甜味又有少少青味,不喜歡。鯪魚球外彈內腍,微腥散發胡椒粉味道,試一次便夠。


鮮蝦豆苗餃,師拉逗條狗?豆苗超翠綠爽甜,跟芥菜膽天堂與地獄。香甜菜汁注滿嘴仔,跟爽爽蝦粒及黏黏餃皮融合,難得好味道。


山竹牛肉,堅熱呀 ﹗燙親我雙朱脣,都係放係喼汁之中翻騰幾下降降溫先。肉球非常有彈性,咬開裡面係淡紅嫩牛,喼汁酸甜醒胃,三粒肉球全收肚裡去,正呀 ﹗


椰皇燉鮮奶,不愛甜的我還可接受,清淡奶甜味散發少許椰香,嫩滑熱辣辣不水汪汪,食得過。咖哩雞春卷,見到個名好有趣,即刻點黎試試啦。雞就唔多食到,少少的咖哩汁洋蔥絲,跟即食咖哩角一模一樣味道喎。


涼瓜斑頭腩炒河,忘記要兜亂呢,唔兜就好似依家燴河粉一樣,餸跟汁只淋係河粉上面,唯有自己撈啦。骨杉杉的斑頭腩,只有少少嫩肉,十足炸魚頭淨係損骨。涼瓜爽甜鮮嫩,沒半點苦澀,比斑頭腩更出色,失望地河粉散碎,撈埋汁當食飯倒入口。


燒乳鴿,馬馬虎虎的炸乳鴿,油膩感突出,外皮不夠香脆,肉質不多嫩,厚厚鞋鞋。最好食都係鹿鳴居,燒乳鴿或醉乳鴿同樣出眾。


咸水角,我對油水角沒什麼好感,試下便算。外層炸皮一按噴油立立令,十分嚇人。竟然肉鬆餡料混有蔥喎,全家除阿爸外無人食的,我都係近年才接受得到。炸物味濃,粉皮油而微脆,趙落嚥韌,少少的餡料不太食到,所以連蔥都感受不到,只有阿媽食得出。


蟲草花鮮竹卷,有蟲無蟲分別不大,如果包在鮮竹卷裡面就唔同晒既,跟蠔皇鮮竹卷既分別係一濃郁另一清爽,卷就一模一樣,係芡汁不同,味道同樣可口美味 ﹗


豉汁蒸鳳爪,好生猛既炸爪跌到四圍都係喇,排靚去先出比食客好麻。大同平凡,醬汁濃濃甜甜黏黏,蒸得骨子完整無爛溶溶,合格。
口水雞
36 views
0 likes
0 comments
黑松露醬燒賣
27 views
0 likes
0 comments
四寶雞紮
29 views
0 likes
0 comments
四寶雞紮
20 views
0 likes
0 comments
水晶蝦餃
17 views
0 likes
0 comments
鮑汁炆鳳爪
27 views
0 likes
0 comments
芋頭糯米卷
32 views
0 likes
0 comments
乾炒牛河
26 views
0 likes
0 comments
杜小月野菌炆伊麵
40 views
0 likes
0 comments
酥炸魷魚鬚
102 views
0 likes
0 comments
蠔皇鮮竹卷
57 views
0 likes
0 comments
棉花銀紙雞
33 views
0 likes
0 comments
陽光豉蒜蒸排骨
19 views
0 likes
0 comments
流心奶黄包
19 views
0 likes
0 comments
叉燒包
16 views
0 likes
0 comments
燒雞窩瀨
20 views
0 likes
0 comments
燒雞窩瀨
29 views
0 likes
0 comments
燒雞窩瀨
20 views
0 likes
0 comments
白灼芥蘭
33 views
0 likes
0 comments
時蔬鯪魚球
40 views
0 likes
0 comments
鮮蝦豆苗餃
58 views
0 likes
0 comments
椰皇燉鮮奶
50 views
0 likes
0 comments
咖哩雞春卷
16 views
0 likes
0 comments
咖哩雞春卷
16 views
0 likes
0 comments
涼瓜斑頭腩炒河
32 views
0 likes
0 comments
燒乳鴿
26 views
0 likes
0 comments
咸水角
24 views
0 likes
0 comments
蟲草花鮮竹卷
31 views
0 likes
0 comments
豉汁蒸鳳爪
24 views
0 likes
0 comments
山竹牛肉
26 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2018-03-24
Dining Method
Dine In
Spending Per Head
$100 (Tea)
Recommended Dishes
四寶雞紮
四寶雞紮
酥炸魷魚鬚
蠔皇鮮竹卷
棉花銀紙雞
燒雞窩瀨
燒雞窩瀨
燒雞窩瀨
白灼芥蘭
蟲草花鮮竹卷