豚本家 (Closed)

聽人介紹有間吉列厚切豬排飯🐖定食好平，一於跟同事去試吓。手機落單有得自訂特別選項，都幾貼心。炸豬扒飯賣相相當不錯，有茶碗蒸麵豉湯🥣沙律前菜，講返主角炸粉有啲厚，反而豬扒比較薄身，咬幾啖先至有啲肉食吓，如果可以改善下就好。另外其他配菜一般，但係埋單$58優惠價錢食到咁豐富嘅午餐，相對性價比算好好👍🏻☺️，但係下次可能唔再嚟叫豬扒飯。地點:荃灣富華中心商場係一間唔起眼嘅商場，估唔到原來佢都有餐廳喺上邊，行一層樓梯就見到餐廳。環境:地方闊落裝修企理，私隱度高，枱面夠闊，但係通風比較差，聞到一浸浸嘅油煙味。價錢:原來做緊優惠，先至$58食到，平時要$98，可以考慮正價嘅時候先至再嚟試吓，可能正常返😂。服務:QR code手機落單，出counter俾錢，手機app UI可以改善下，定食套餐同埋單點原來要分開揀。