Video
Read full review
2018-06-12
518 views
有朋友黎香港旅行，帶佢食啲香港既地道菜。搭完渡海小輪黎到尖沙嘴，上網睇一睇見到鳳城都幾多分店，食物亦都好有特色，一於黎試下。炸子雞 ($138半隻) 半碟睇落都唔會話好少~ 一睇就覺得隻雞炸得好金黃好脆，口感都一樣，皮脆肉滑。呢度炸雞既皮好薄，食落一啲都唔覺得油，一咬就咬到入面既肉，味道都剛剛好。松子仁榨菜肉末配叉子燒餅($98)先講叉子燒餅，雖然焗既時間好似有少少多咗，但食落就食唔到焦味，反而芝麻幾香，同食落都幾煙韌。榨菜粒炒肉碎，聽個名就知道惹味，放滿滿入叉子燒餅就有另一番風味。大良炸鮮奶($88)呢個可以做菜或者叫做甜品，炸粉入面包住既係固體炒過既鮮奶，加咗葱，帶岀咗少少咸味，入面都幾滑。亦可以點砂糖食，食落味道似沙翁，但炸粉可以略為少一點會更好。
搭完渡海小輪黎到尖沙嘴，上網睇一睇見到鳳城都幾多分店，食物亦都好有特色，一於黎試下。
炸子雞 ($138半隻)
半碟睇落都唔會話好少~ 一睇就覺得隻雞炸得好金黃好脆，口感都一樣，皮脆肉滑。呢度炸雞既皮好薄，食落一啲都唔覺得油，一咬就咬到入面既肉，味道都剛剛好。
松子仁榨菜肉末配叉子燒餅($98)
先講叉子燒餅，雖然焗既時間好似有少少多咗，但食落就食唔到焦味，反而芝麻幾香，同食落都幾煙韌。榨菜粒炒肉碎，聽個名就知道惹味，放滿滿入叉子燒餅就有另一番風味。
大良炸鮮奶($88)
呢個可以做菜或者叫做甜品，炸粉入面包住既係固體炒過既鮮奶，加咗葱，帶岀咗少少咸味，入面都幾滑。亦可以點砂糖食，食落味道似沙翁，但炸粉可以略為少一點會更好。
Post
