陳漢記 (Closed)

今晚想去食潮州嘢，但去開個間得門口露天坐位，而家晚上氣溫都成30度，冇謂食得咁辛苦，所以改左去陳漢記食煲仔飯，第一次黎呢間食，我地三個人叫左個黃鱔肉片煲仔飯加條潤腸，蝦米腸粉，义燒腸粉 ，油菜，白灼魷魚。煲仔飯真係好出色，料多，黃鱔又多，即做有飯焦香。腸粉皮薄料多，份量不太大。白灼魷魚ok啦， 啲豉油好好味。總括黎講食物好味，只係舊式餐廳坐得不太舒適。服務沒有什麼要求，員工不會黑面。門口不斷有客等位。