Video
Read full review
2023-04-05
783 views
皮薄餡靚良心餃 - 滾餃💛呢間餃子店其實已經Sᴀᴠᴇ咗好耐，亦都去過好多次，但次次排隊嘅人數真係太大量，所以次次都食唔到，今日揀個Kᴀᴍ啲嘅時間去，又真係唔洗排隊喎，老虎蟹都食佢喇🤣🤣煎餃(雙拼) $66 /10隻黑松露芝土豬肉餃個皮睇落同食落都幾薄身，煎到脆卜卜，餡料好出色，黑松露味極為濃郁，鍾意食黑松露嘅朋友仔一定唔可以錯過，而且仲有肉汁，相對之下，芝士味嘅存在感就比較低，唔太食得出，但整體食落唔太油膩，值得一試❤️京蔥豬肉餃餃皮就同上面一款差唔多，呢一款就更加多肉汁，而且仲有京蔥嘅香味，而且餡料入面有一定數量嘅蔥係到，食落仲多咗一份爽爽地嘅口感😙湯餃(雙拼) $60 /10隻蒜芯鮮蝦豬肉餃子皮厚薄適中，比煎餃嘅皮更加薄，但食落有少少煙靭嘅感覺，餡料就有一隻完整嘅蝦🦐 ，蝦肉都算爽彈，而且配埋蒜芯做調味，所以食落有啲似蒜蓉炒大蝦🤣🤣 都幾好味🤣泡菜豬肉餃呢一款就相對濃味少少，滿滿嘅泡菜餡塞爆咗粒餃子，味道食落唔算話辣，但食落就幾開胃過癮😗泰式無骨鳳爪 $36份量都幾多，食落非常爽口彈牙，調味亦都幾好，但真心辣🤣🤣 可能係我地太廢🤣🤣自家製支裝奶茶 $22奶茶好飲過出面好多茶記，入口都
呢間餃子店其實已經Sᴀᴠᴇ咗好耐，亦都去過好多次，但次次排隊嘅人數真係太大量，所以次次都食唔到，今日揀個Kᴀᴍ啲嘅時間去，又真係唔洗排隊喎，老虎蟹都食佢喇🤣🤣
煎餃(雙拼) $66 /10隻
黑松露芝土豬肉餃
個皮睇落同食落都幾薄身，煎到脆卜卜，餡料好出色，黑松露味極為濃郁，鍾意食黑松露嘅朋友仔一定唔可以錯過，而且仲有肉汁，相對之下，芝士味嘅存在感就比較低，唔太食得出，但整體食落唔太油膩，值得一試❤️
京蔥豬肉餃
餃皮就同上面一款差唔多，呢一款就更加多肉汁，而且仲有京蔥嘅香味，而且餡料入面有一定數量嘅蔥係到，食落仲多咗一份爽爽地嘅口感😙
黑松露芝土豬肉餃
23 views
0 likes
0 comments
京蔥豬肉餃
762 views
1 likes
0 comments
湯餃(雙拼) $60 /10隻
蒜芯鮮蝦豬肉
餃子皮厚薄適中，比煎餃嘅皮更加薄，但食落有少少煙靭嘅感覺，餡料就有一隻完整嘅蝦🦐 ，蝦肉都算爽彈，而且配埋蒜芯做調味，所以食落有啲似蒜蓉炒大蝦🤣🤣 都幾好味🤣
泡菜豬肉餃
呢一款就相對濃味少少，滿滿嘅泡菜餡塞爆咗粒餃子，味道食落唔算話辣，但食落就幾開胃過癮😗
泡菜豬肉餃
24 views
0 likes
0 comments
泰式無骨鳳爪 $36
份量都幾多，食落非常爽口彈牙，調味亦都幾好，但真心辣🤣🤣 可能係我地太廢🤣🤣
泰式無骨鳳爪
$36
9 views
0 likes
0 comments
自家製支裝奶茶 $22
奶茶好飲過出面好多茶記，入口都幾順滑，佢茶味就濃啲，幾啱口味🥰
自家製支裝奶茶
$22
10 views
0 likes
0 comments
呢度落完Oʀᴅᴇʀ，店員問你要唔要辣菜脯，記得一定要要咗佢，因為佢個辣菜脯係超級好食，用嚟送餃子都係一流，我地最尾都買咗一罐走🤣 走果時，已經諗緊幾時嚟二訪🤭
Post
