Gwee Coffee & More

Open Now

Now Closed

唔知你地之前有無見過一杯以沙灘為主題嘅咖啡呢，我就係果個時候留意到呢間係半山嘅小店，佢地間唔中就會推出seasonal drinks，今次呢杯就係Halloween限定，仲有一款奶蓋紅桑子梳打，用蒟蒻整左個腦袋topping，好有創意。如果大家細心睇張相會喺鏡中見到一排眼鏡，佢地係眼鏡鋪內嘅coffee bar，位置唔多，早幾日lunch time去差啲要去鋪外立飲，相信避開繁忙時間會舒服啲。店主一腳踢相當忙碌，但都好留意客人嘅一舉一動，會建議飲法同問客人意見，非常難得。 ☕️Cream Mocha賣相無可挑剔，好有層次。杯邊嘅dripping係Valrhona 70%黑朱古力，味道醇香，唔只用黎裝飾。Mocha朱古力同咖啡味平衡，上面有一層用明治奶打成嘅cream，攪勻飲味道溫和，甜度適中。最頂層上嘅小鬼係蛋白餅，店主話飲到一半可浸落咖啡度，蛋白餅本身好甜，吸左咖啡後較易入口，會似棉花糖嘅質感好得意。P.S. 留意返Halloween special只供應約一個月，想試嘅要快啲去啦。