千賀水產 (Closed)

食放題的話我會較為喜歡選擇午市時段 一來價錢比較便宜 食物款式與晚市時段不會差太遠 二來唔使等位 去到就可以入座千賀水產磯燒放題可盡情任點任食磯燒海鮮， 仲有其他刺身，壽司，一品料理， 串燒，天婦羅……食物款式夠曬多， 最緊要係價錢一啲都唔貴加埋一之後百七蚊左右入座之後職員就好快為我哋送上磯燒海鮮拼盤 分量一啲都唔惹少 相當有睇頭 包括海蝦，海螺，扇貝，大蜆， 小蜆及青口餐廳絕對沒有將價就貨 磯燒海鮮絕對新鮮 尤其扇貝最為鮮甜 肉質非常鮮嫩，蜆亦好重海水味 隻隻飽滿 肥美又冇沙磯燒海鮮是最能吃出海鮮的鮮味 只要灑上少少鹽巴 味道已經截然不同 原汁原味 香噴噴嘅海鮮味道令人流曬口水壽司質素相當高 生或熟都有提供選擇 最鍾意壽司飯舊細舊 一啖一口 唔怕食完之後食唔落其他嘢炸物天婦羅全部都係即叫即炸 上枱嘅時候仲出緊煙 外面脆漿夠薄 唔會食到成口粉 炸番薯好甜 好重番薯味， 炸生蠔千萬不要錯過 外面酥脆中間軟熟 蠔肉夠大隻海膽粥係我非常喜歡的一道料理 粥底有大量海膽 味道極為鮮味 非常奢華的一道美食 加上天氣開始轉涼 食碗熱辣辣嘅粥 即刻成個人暖番曬最開心嘅係餐廳設有夾糖果嘅位置 仲比埋膠袋