何洪記 (Closed)

因為租金昂貴嘅關係，鬧市中嘅粥粉麵檔通常都偏貴，依間都唔例外。一坐低睇餐牌已經知道喇脷，粉麵平均四十幾，炒河更加要五、六十，最貴嘅鮑魚粥更加係上百蚊一碗。最後我慳慳哋叫咗碗及第粥，雖然卅幾叫做平啲，但餸亦因此少啲，全碗粥只係得兩塊豬潤、兩條生腸同兩粒肉丸，粥底亦唔夠綿。上次食過佢哋啲麵，味道都係一般，而且又係一碗食唔飽，達唔到我嘅基本要求。牆上見到蔡瀾嘅推薦狀，令我俾依度嘅印象分更差，事關嗰啲所謂嘅食家十之八九都係寫饍稿，佢哋推介親嘅食肆唔係貨不對辦就係名大於實，今次又一例證。