Video
Read full review
2013-06-24
622 views
今日即興約同學仔晚飯，有人提議食泰菜，所以中午打去訂16個位（11大5小），準時去到，一張大枱坐曬，餐廳充滿泰國色彩，有好多泰國木刻裝飾，雖然有啲迫，其中幾人要坐圓櫈，不過好過分開坐，雖然有套餐，但唔係咁抵，又唔係每款食物都啱食，所以我哋散叫，人多有個好處，就係可以想食乜就叫，大家好開心盡情叫！坐低即刻送上兩籃蝦片，蝦片少少辣，重要不停添加！正小食拼盤：應有盡有，蝦餅外脆又彈牙，多春魚炸得香口，豬頸肉肉香滿口，無骨䫣腳香辣！連伴碟嘅蕃茄都新鮮多汁！抵！生蝦刺身：唔係每間泰國餐廳都敢叫呢樣，因為蝦嘅衛生難保證，要幫襯有信心嘅餐廳，生蝦雪得有啲乾硬，不過配泰式醬料食，都香辣惹味！明爐烏頭：跟火爐上，湯酸酸地，唔食辣嘅可以唔點醬汁！大家都食到，魚肉鮮嫩，好味！肉碎生菜包：生菜新鮮，肉碎唔辣，九層㙮不多，所以唔係咁香，一般！串燒（18支）：有雞同羊，我吃咗羊，羊肉唔蘇，點沙嗲醬好味道！青咖哩羊：我用咖喱汁沾蒜茸包，好香好濃，不過唔辣！有少少失色！咖哩蝦：蝦我食咗一隻，咖哩香濃，但唔辣，似炒蛋多過似咖哩！泰式海南雞：已起骨，但唔滑，無乜雞味！點泰式辣汁會好味啲！鐵板炒蠔：熱辣辣，用芽菜墊底，蠔仔
今日即興約同學仔晚飯，有人提議食泰菜，所以中午打去訂16個位（11大5小），準時去到，一張大枱坐曬，餐廳充滿泰國色彩，有好多泰國木刻裝飾，雖然有啲迫，其中幾人要坐圓櫈，不過好過分開坐，雖然有套餐，但唔係咁抵，又唔係每款食物都啱食，所以我哋散叫，人多有個好處，就係可以想食乜就叫，大家好開心盡情叫！坐低即刻送上兩籃蝦片，蝦片少少辣，重要不停添加！正小食拼盤：應有盡有，蝦餅外脆又彈牙，多春魚炸得香口，豬頸肉肉香滿口，無骨䫣腳香辣！連伴碟嘅蕃茄都新鮮多汁！抵！
生蝦刺身：唔係每間泰國餐廳都敢叫呢樣，因為蝦嘅衛生難保證，要幫襯有信心嘅餐廳，生蝦雪得有啲乾硬，不過配泰式醬料食，都香辣惹味！
明爐烏頭：跟火爐上，湯酸酸地，唔食辣嘅可以唔點醬汁！大家都食到，魚肉鮮嫩，好味！
肉碎生菜包：生菜新鮮，肉碎唔辣，九層㙮不多，所以唔係咁香，一般！
串燒（18支）：有雞同羊，我吃咗羊，羊肉唔蘇，點沙嗲醬好味道！
青咖哩羊：我用咖喱汁沾蒜茸包，好香好濃，不過唔辣！有少少失色！
咖哩蝦：蝦我食咗一隻，咖哩香濃，但唔辣，似炒蛋多過似咖哩！
泰式海南雞：已起骨，但唔滑，無乜雞味！點泰式辣汁會好味啲！
鐵板炒蠔：熱辣辣，用芽菜墊底，蠔仔肥美，無沙，夾染住蛋漿，好味到再encore多一客！
蒜茸包：外脆內軟，蒜茸好香唔辣，又香又脆，沾咖哩汁好味，encore咗兩客！
泰式炒金邊粉：酸酸甜甜，有大量芽菜蛋絲！好味！
雜菜粉絲㷛：正常一般！
馬拉盞炒芥蘭：香口，偏咸，芥蘭嫩口，咸咸香香！好味！
甜品（大菜榚+西米榚）：餐廳送嘅，大菜榚無乜味，西米榚香滑！
餐廳有兩個經理，老的一個好友善，又介紹餸菜，後生啲嗰個，比較粗聲粗氣，又愛理不理，但除了佢，其他待應都好好，尤其係埋單後，我哋其中有人漏咗袋嘢，餐廳好好，即刻用我訂位留低嘅電話，即刻call番我哋返轉頭攞番，so good!
Post
