Video
Read full review
2021-09-22
159 views
我同朋友近年都愛上咗食辣🌶，特別係麻辣，所以會專登搜羅邊度有川菜餐廳。呢日喺某App見到位於尖沙咀K11 Musea嘅「蜀客」有提供訂枱優惠😜，晚上八點半入座可享五折，咁鬼抵就一於試吓。餐廳環境好有氣派，燈光昏暗，部份座位望到海景🌃，而且呢度好似仲有包廂同室外區添。雖然成個格局好似好高檔咁，但食物定價其實唔係想像中咁貴，即使原價計算都一樣。水煮牛肉(半價$234)，餐廳現時做緊限時優惠🈹，凡八點半後入座，可以以半價點選酸菜桂魚(原價$428)或水煮肥牛(原價$468)。原價我覺得有少許貴，但半價後即刻變得抵食。水煮牛超大鍋，如果配飯食，四個人都夠呢。我本身擔心水煮菜式會好辣😳，皆因眼見紅湯上面佈滿辣椒籽，不過出奇地佢係多麻少辣，辣度介乎於微辣至小辣之間，並加入大量炒香咗嘅地道四川香料同花椒辣椒，令到味道好香濃，而又易入口。🥩牛肉採用咗美國安格斯肥牛，質素唔錯，肥瘦適中，肉質嫩滑多汁，牛味濃郁。另外，底部仲配以煙煙韌韌嘅粗薯粉同埋爽脆油麥菜一同索味，口感層次進一步提升。乾鍋手撕包菜($168)，佢比我嘅感覺其實即係回鍋肉，而食落其實亦都似🤣。包菜係指椰菜，以手撕成小片，配以芹菜同辣椒一齊
我同朋友近年都愛上咗食辣🌶，特別係麻辣，所以會專登搜羅邊度有川菜餐廳。呢日喺某App見到位於尖沙咀K11 Musea嘅「蜀客」有提供訂枱優惠😜，晚上八點半入座可享五折，咁鬼抵就一於試吓。
餐廳環境好有氣派，燈光昏暗，部份座位望到海景🌃，而且呢度好似仲有包廂同室外區添。雖然成個格局好似好高檔咁，但食物定價其實唔係想像中咁貴，即使原價計算都一樣。
水煮牛肉
$468
29 views
0 likes
0 comments
我本身擔心水煮菜式會好辣😳，皆因眼見紅湯上面佈滿辣椒籽，不過出奇地佢係多麻少辣，辣度介乎於微辣至小辣之間，並加入大量炒香咗嘅地道四川香料同花椒辣椒，令到味道好香濃，而又易入口。🥩牛肉採用咗美國安格斯肥牛，質素唔錯，肥瘦適中，肉質嫩滑多汁，牛味濃郁。另外，底部仲配以煙煙韌韌嘅粗薯粉同埋爽脆油麥菜一同索味，口感層次進一步提升。
乾鍋手撕包菜
$168
26 views
0 likes
0 comments
香辣雞軟骨
$98
35 views
0 likes
0 comments
頭抽珍菌($88)，呢個係素食菜式💚，菜式包含多種菇菌，例如有本菇、冬菇同杏鮑菇等。🍄雜菇以素豉油爆香，鹹香十足，而且難得係一款唔辣嘅菜式，所以可以順勢清清味蕾，換換口味。
珍菌綿陽米粉($68)，我都係今日先知綿陽原來係四川嘅一個地方🇨🇳，當地流行著米粉呢道傳統美食。米粉可以揀配豬腸、牛肉或者珍菌，前兩款係配以辣湯，而菇呢款就走辣。🍜米粉幼細，口感綿滑，餸料有菇、蔥同黃豆等，味道OK，夠大碗，但就未算好有驚喜。
成都擔擔麵($48)，呢個擔擔麵同平日食開嘅唔同🍜，因為佢並唔係湯麵，而係拌麵。再者，佢無乜花生醬或麻醬味，相反辣味就好強🥵。麵質亦相對稔身，所以整體被其他菜式比下去。
四川冰粉
21 views
0 likes
0 comments
酒釀湯丸($38)，甜湯配以三粒大湯圓不似預期，因為我希望佢係採用冇餡嘅小丸子🍡。甜湯富有糯米酒嘅香氣，暖胃，湯丸則係芝麻餡。
餐廳會收取茶芥費($20/位)以及餐前小食費($25/碟)，由於太多嘢食，我哋都無乜理過碟小食。經理以外嘅店員們態度積極，不時主動為我哋添茶🍵。
總括嚟講，蜀客嘅川菜盡顯麻辣鮮香精粹，啱哂我口味😋，我同朋友一致認為呢度絕對值得再次到訪，推介！主餐牌入面嘅菜式多到一個點，食三次都未必食得晒，而且佢仲提供多款套餐，人均三百幾蚊有成十道菜🥢。最後，我上載埋餐廳嘅餐牌以供參考，但平台只可上傳30張相片，所以未能盡錄。
Post
