Video
Read full review
2020-03-10
711 views
前排有個新手媽媽啱啱坐完月返工，一班女人就圍埋傾下計，除咗聽佢分享揍B大小樂事外，佢仲同我哋介紹佢生完Keep住飲嘅湯水。咁我話我暫時應該未有需要住，點知佢哋異口同聲話湯水係要襯後生開始飲先有用囉🙈！講下講下之際，就上左佢飲緊果間盧太太社交平台睇下。咦有湯包賣喎，養生開嘅同事們即刻組團買嚟試下🛍，群眾壓力下我都搭單買兩包Try Try。唔買唔知原來買湯包可以直接送埋上Office或者屋企，點對點👍！送貨採用順豐冷運服務，送到手上嘅時候湯包仍然Keep住冰硬。湯包成個感覺比起暖壺乾淨同方便，我想幾時飲整返熱就得，都係花幾分鐘時間。今次我飲嘅湯包有2款，而店家就提供大約8-10款口味🥣。每包500毫升，兩個人飲啱啱好。鮮椰子竹絲雞湯，材料包括竹絲雞、椰子、豬展、果皮、鹽同水。呢個湯呈奶白色，飲落清清地，有啲椰子🥥奶香。雞湯嚟講，佢一啲都唔油！湯包上註明功效為除燥美肌，健脾益氣，好似幾啱女士飲咁。南瓜章魚豬展湯，材料包括南瓜、乾章魚、豬展、果皮、蜜棗、鹽同水。呢個湯係橙黃色，未飲齋睇樣都知係南瓜湯🎃，估唔到一飲發現章魚味🐙好突出，味道較椰子雞湯稍為濃啲。湯包上註明功效為抗氧養肝，補氣補血。兩
唔買唔知原來買湯包可以直接送埋上Office或者屋企，點對點👍！送貨採用順豐冷運服務，送到手上嘅時候湯包仍然Keep住冰硬。湯包成個感覺比起暖壺乾淨同方便，我想幾時飲整返熱就得，都係花幾分鐘時間。
今次我飲嘅湯包有2款，而店家就提供大約8-10款口味🥣。每包500毫升，兩個人飲啱啱好。
鮮椰子竹絲雞湯，材料包括竹絲雞、椰子、豬展、果皮、鹽同水。呢個湯呈奶白色，飲落清清地，有啲椰子🥥奶香。雞湯嚟講，佢一啲都唔油！湯包上註明功效為除燥美肌，健脾益氣，好似幾啱女士飲咁。
南瓜章魚豬展湯，材料包括南瓜、乾章魚、豬展、果皮、蜜棗、鹽同水。呢個湯係橙黃色，未飲齋睇樣都知係南瓜湯🎃，估唔到一飲發現章魚味🐙好突出，味道較椰子雞湯稍為濃啲。湯包上註明功效為抗氧養肝，補氣補血。
兩款湯飲得出係無添加味精，因為飲完一啲都無口乾！不過整體味道較平日呀媽煲開嘅無咁濃😂，可能湯包著重健康功效，原汁原味，呀媽就調味重啲。
總括嚟講，家常湯包真係好啱香港都市人，雖然注重健康，但就無時間慢慢煲，而湯包嘅出現正正解決呢個問題。呢日我飲嘅兩款湯味道都OK，價錢就大約$50包，唔係平，但勝在方便，無論飲定係送遞都唔使煩😊。
Post
