Artista Perfetto (霎西街)

Open Now

Now Closed

AP 咖啡，目前來講係我心目中嘅最愛，喺街市入邊嘅一個角落，充滿着咖啡嘅香味，人情味。一入到去呢間咖啡舖你就會發現同周圍嘅環境格格不入，而我嘅至愛就係泡沫黑咖啡，同一般嘅黑咖啡相比，你就會發現佢比普通嘅黑咖啡濃厚順滑好多。細細飲一啖，你會感受到果肉，莓，蜜糖嘅香氣，再感受深啲，你就會飲到一陣烤肉嘅味道。溫馨提示，每一次飲泡沫黑咖啡嘅時候，輕輕搖一搖，令佢啲泡沫喺正杯咖啡入邊均勻分布，咁樣味道同埋順滑度會更加好。喺A P飲咖啡係一種享受，係一種藝術品，每一種唔同味道嘅混合，合成出呢一杯咖啡，當中你會諗，咖啡師究竟花咗幾多時間去混合去研究，技術嘅昇華，絕對係響啲杯咖啡入邊包含嘅內涵。