Video
Read full review
2014-06-19
688 views
本來唔想再在這裡留言,因我要顯示的名稱是中文(立逃遠) ,不是英文字,曾聯絡要求貴網更改,又冇回覆, 但遇到這家食肆很想介紹比大家,所以再留多一會 .因在之前知道這家店休星期一,所以在星期日去,下午三點去到,門口排咗幾個人,門外有開枱有人坐,舖內巳坐滿人,諗住等一陣,聽到原來乜都冇,賣哂!得油渣重要等半粒鐘,開下午十二點喎?三點冇貨賣?唯有黯然離開 ,到星期二再去,家住東九尃登去.星期二下午兩點三到,見門口有幾個人等外賣,舖內巳滿 ,坐咗十四人,外面不能開枱,剛有人走,有一個位,即刻坐低,望一望環境,事頭婆好忙,女樓面新手,枱都未識執,而客人呢?其他客人有九個人未有嘢食,唔計我呀!跟住又有客人進來,事頭婆叫佢唔好嚟啦,好忙做唔切,冇鹵水大腸,油渣暫停要等廿分鐘,吓 !!??另一個客人入嚟,佢對客人話:你遲半個鐘再嚟啦,嘩!!!真係開中午十二點喎,兩點幾冇貨賣 ?用乜嘢角度,態度做生意呀?寫住濶別八年,再度重來,巳前點做架?而家又做緊乜呀 ?坐低等咗廿五分鐘,女樓面誠惶誠恐,走住問住,你叫咗嘢未?我都唔想答佢 ,話佢知,我知你哋現在環境冇 乜嘢賣,等你有嘢賣先啦,再等五
因在之前知道這家店休星期一,所以在星期日去,下午三點去到,門口排咗幾個人,門外有開枱有人坐,舖內巳坐滿人,諗住等一陣,聽到原來乜都冇,賣哂!得油渣重要等半粒鐘,開下午十二點喎?三點冇貨賣?唯有黯然離開 ,到星期二再去,家住東九尃登去.
星期二下午兩點三到,見門口有幾個人等外賣,舖內巳滿 ,坐咗十四人,外面不能開枱,剛有人走,有一個位,即刻坐低,望一望環境,事頭婆好忙,女樓面新手,枱都未識執,而客人呢?其他客人有九個人未有嘢食,唔計我呀!跟住又有客人進來,事頭婆叫佢唔好嚟啦,好忙做唔切,冇鹵水大腸,油渣暫停要等廿分鐘,吓 !!??另一個客人入嚟,佢對客人話:你遲半個鐘再嚟啦,嘩!!!真係開中午十二點喎,兩點幾冇貨賣 ?用乜嘢角度,態度做生意呀?寫住濶別八年,再度重來,巳前點做架?而家又做緊乜呀 ?
坐低等咗廿五分鐘,女樓面誠惶誠恐,走住問住,你叫咗嘢未?我都唔想答佢 ,話佢知,我知你哋現在環境冇 乜嘢賣,等你有嘢賣先啦,再等五分鐘,有翻油渣,咁我就老實唔客氣,食住個勢,提出我要求,要幼麵,佢話冇 ,好,粗都要嚟,我而家要淨麫,淨油渣,淨菜甫,淨湯,其實咪就係撈麪囉!呢類食肆好似唔興撈麫,我喜歡這種食法,亦向大家推薦可以試一吓這食法.
三點十分麪到;冇個性的上海麪,湯好;麪就好,佢做到咗,油渣;係脆嘅嗰種,佢做到酥脆,正,難得,相比起英記同周記又唔同體會,英記賣的是辣油,周記賣的是辣大頭菜粒,不能以淋嘅油渣同脆嘅相比,咁唔公平,巳前在深水埗,青山道嗰間金滿仔都喺用脆渣又喺好正,間嘢主打手作麪,好食,巳執笠,香港除了這家老三用脆渣外,不知那裡還有這種美食?品嘗美食其間,那個半個鐘客人真的回來,佩服,見到自已影子,另一個客人亦回來叫外賣,嘩嘩!!敬佩呢間舖嘅美食,我又叫咗韮菜大腸,同魚翅,魚翅冇,個樓面話冇兩餸,定要三餸連豬紅,唯有照要啦,
!佢哋大腸分清湯及鹵水,頭先賣哂喺鹵水,事頭婆見我唔食豬紅,問點解,我照講,佢話個樓面唔識,可以要兩餸,要扣翻錢,真老實,韮菜淥得啱啱好唔韌,大腸唔韌唔太淋好味,同鴨記北河嗰間比,呢間味精少D,好味D,又貴D,我重要嚟多個 ,嗱同大家講呢間嘢,你要有時間多先好去食,由落柯打到有得食要廿分鐘起,佢係一碗一碗去煮,一個人去煮哂所有嘢,佢果D煎釀三寶,停止生產,咖喱魚旦唔一定有,粉果睇彩數,鹵水限量版,佢個脆油渣就算要等我都會專登再去,值得.
星期一休息,開中午十二點,電話6736 2623無訂坐,位置新山道,譚公道交界,食物款式似多實少,位少,一架十六坐小巴巳坐爆,淨係得事頭婆親切,主打好食有特式,唔知邊度重有,交通方便,留意試吓撈麫食法.
Post