喜馬當先

Open Now

Now Closed

一生總有一次直擊賽馬賽事，今日中午來到沙田馬場，一邊睇賽馬一邊自助餐，頗有氣氛。半自助午餐收費$438，食物款式不算多，勝在環境靚，又有馬睇。海鮮類。凍海鮮有蝦、青口、螺、魚生等，款式多味道鮮甜，蝦肉爽口彈牙，吃出陣陣甘甜味，青口較鞋，但海水咸香，最欣賞魚生，有厚身三文魚和甜蝦，魚香濃郁，蝦肉甜嫩。沙律款式更為吸引。野菌長通粉、墨西哥白豆、火雞火腿、自選沙律菜。款款味道爽脆新鮮，我較欣賞野菌長通粉的味道，彈牙通粉伴以欖油野菌，菌味突出濃香。麵包類。多款咸甜麵包、果撻，杏仁片牛角酥最得我心，片片杏仁香口香脆，牛角酥酥脆香口，內裡有滿滿蘋果蓉，一口吃下去非常豐富，清甜不膩。各款麵包、法包可以親自焗熱，伴上牛油和果醬食用。自選奄列。廚師親自製作奄列，可以自選配料。我全部都有，包括火腿、蕃茄、洋蔥、芝士、蘑菇、莞茜，加上海鹽和黑椒，炒蛋滑溜香濃，半熟蛋入口嫩香滑溜，餡料咸香豐富。⋯一邊吃一邊看到窗外賽馬情況，非常出色滿足。