Video
Read full review
2024-03-20
526 views
平時食啲foodie介紹既餐廳，一係就中伏🤢，一係就食嚟食去都係嗰幾尾😪。今次難得同朋友敘舊，悉心挑選咗依間尖沙咀站D2出口附近嘅餐廳，一於就試吓自己運氣，睇吓小店會唔會為我哋帶嚟surprise🤭👉🏻tl;dr👈🏻讀緊依篇嘢既你，肯定就已經知道我俾咗好評。廢話唔多講，總之味道方面印象最深刻係海膽刺身、土佐豆腐、牛肉飯、咖喱炸雞烏冬，仲有吉列牛🤤 要食既話就試吓依啲啦，無介紹錯架喇😉~~~~我係一條有curveの分隔線~~~~👀In case你咁得閒睇長文，以下請繼續：我哋有4個人，就梗係叫咗好多嘢食試吓，刺身、天婦羅、串燒、烏冬、飯，幾乎menu上可以叫既種類都order咗🤰🏻先講吓個刺身拼盤入面既💛海膽刺身💛。我平時比較少食海膽，點解？咪都係因為中伏太多囉🥲。但係今次孤注一擲，勇於嘗試，個海膽竟然又ok甜喎？！係新鮮嘅😋 大推～就算係經常食日本嘢既朋友，可能都未試過💛土佐豆腐💛。之前喺其他舖頭見到要差唔多$70🤦🏻♀️，而呢間平好多就一於give it a try。豆腐炸過夠堅挺，伴少少辣椒蘿蔔蓉，連埋秘製醬汁一啖過食落肚，香味真係一試難忘啊大佬🤤💛牛肉飯💛大大份，仲附有隻流心溫泉
👉🏻tl;dr👈🏻
讀緊依篇嘢既你，肯定就已經知道我俾咗好評。廢話唔多講，總之味道方面印象最深刻係海膽刺身、土佐豆腐、牛肉飯、咖喱炸雞烏冬，仲有吉列牛🤤 要食既話就試吓依啲啦，無介紹錯架喇😉
~~~~我係一條有curveの分隔線~~~~
👀In case你咁得閒睇長文，以下請繼續：
我哋有4個人，就梗係叫咗好多嘢食試吓，刺身、天婦羅、串燒、烏冬、飯，幾乎menu上可以叫既種類都order咗🤰🏻
先講吓個刺身拼盤入面既💛海膽刺身💛。我平時比較少食海膽，點解？咪都係因為中伏太多囉🥲。但係今次孤注一擲，勇於嘗試，個海膽竟然又ok甜喎？！係新鮮嘅😋 大推～
就算係經常食日本嘢既朋友，可能都未試過💛土佐豆腐💛。之前喺其他舖頭見到要差唔多$70🤦🏻♀️，而呢間平好多就一於give it a try。豆腐炸過夠堅挺，伴少少辣椒蘿蔔蓉，連埋秘製醬汁一啖過食落肚，香味真係一試難忘啊大佬🤤
💛牛肉飯💛大大份，仲附有隻流心溫泉蛋，篤穿隻蛋之後撈埋啲牛肉汁同飯一齊食，OMG❣講真，邊有咁多錢日日食咁多好嘢丫？"美麗新香港"，個個都生活富足，係我能力不足，收入不升反跌啫～ 但就算淨係為咗依個牛肉飯，我都一定會返嚟再食既😌
💛咖喱炸雞烏冬💛有4件炸雞+薯仔蘿蔔咁，炸雞夠juicy，薯仔蘿蔔正常發揮，烏冬同咖喱比例啱啱好，唔會因為太少咖喱而唔夠喉，正❗仲可以追加一份小食，$15有兩塊三文魚，$10有兩舊炸蠔，相當抵食🥸
至於💛吉列牛💛，識食既都肯定知價錢會比其他dish貴架喇。不過有budget既話一定要試啦，又有得玩吓自己燒，又可以打卡，仲要真材實料超級好食！無得彈呀喂😎
飲品方面呢就好得意架喎😂，雖然餐廳主打日式嘢，但竟然有成兩頁既台式飲品可供選擇🤯真係估佢唔到😲 我就嗌咗💛綠茶多多💛，幾清新，以前都真係未見過🙈 班friend除咗試咗💛芒果沙冰💛 (大大支🤨)、💛香芋鮮奶💛 (個friend話好濃好正🤔)，仲叫咗支名為💛"春鹿"💛既清酒大家share。入口淡淡甜香，啱晒我依啲lady😙，男性friend都話作為第二日要返工、只可微醉既選擇嚟講都算係不二之選🍶
🐽後記🐽
☝🏻食之前見到有食評話餐廳員工態度差，又話出餐慢，都咪話唔驚。當日有幸見到傳說中既老闆娘，係會講嘢快啲，但笑容可掬，我反而覺得有呀媽既感覺(?) 放鬆啲啦香港人，香港乜嘢都節奏快，講嘢快少少，無咗尾音，唔代表就係惡既～ 不過出餐有啲慢就真既，嗰日都等咗一段時間先食到。不過老闆娘幾乎係一腳踢，外加個員工負責送餐，都理解既。好嘢就係要等吓先有，係咪？香港人，共勉之。
✌🏻個個都食兩餸飯，唔通個個都想食兩餸飯咩？！打工仔經常性食得頹，都會質疑自己咁辛苦係為乜🥱 日日都俾老細點，難得有得食好啲，做乜仲要俾foodie點🤥 相信自己，一齊發掘吓香港僅存既有heart小店啦💋
土佐豆腐
230 views
0 likes
0 comments
吉列炸蠔
42 views
0 likes
0 comments
龍田炸雞咖喱烏冬
21 views
0 likes
0 comments
吉列炸安格斯牛排
19 views
0 likes
0 comments
串燒
6 views
0 likes
0 comments
吉列牛
3 views
0 likes
0 comments
串燒拼盤
2 views
0 likes
0 comments
野菜天婦羅拼盤
2 views
0 likes
0 comments
雜錦天婦羅拼盤
2 views
0 likes
0 comments
玉子築前煮牛肉丼
6 views
0 likes
0 comments
清酒 “春鹿”
68 views
0 likes
0 comments
Post
