北海道爐端燒 (Closed)

我個friend上次生日食飯去咗呢間居酒屋，就同我講呢間味道唔錯，價錢又相宜。咁啱喺尖沙咀見完客就去試吓呢間餐廳嘅廬山真面目。餐廳喺亞士厘道係餐廳嘅集中地，雖然食肆林立但係呢間餐廳都幾多人食，基本上都係滿座咁滯，好彩今次算早唔洗等。入到去覺得都幾有日本居酒屋嘅感覺，我地两個點左幾串串燒，包括有牛舌、牛腎、冬菇呢啲基本野啦，然後佢有一個甲羅燒，幾吸引所以就試左一個。然之後再點左啲特色嘅壽司，包括燒左口魚、鵝肝帶子壽司啦、鰻魚壽司啦等等，原來佢啲壽司飯呢係有味飯啦，又幾得意。我推介就覺得佢牛舌係燒得唔錯，同埋個甲羅燒嘅蟹膏呢都幾香，大家可以一試，而且都只係600蚊左右，以居酒屋黎講算幾抵。