相撲手日式放題 (Closed)

間唔中係尖沙咀返工，都有聽過相撲手放題食物質素唔錯，終於今晚有機會來試下！首先立即來一盤魚生，種類款式都好多，每片魚生厚度都好平均，三文魚好新鮮，帶子非常鮮甜，不知不覺食左好多，最令我驚喜係居然有生蠔，好少放題係有生蠔，仲要沒有限多少，食多幾隻可以回本！接著就來幾款賣相幾靚的壽司，一來就食左件生牛肉壽司，估唔到牛肉中間有泡菜，所以味道變得酸酸辣辣，好有趣的味道。跟住食左有個用酥皮做既壽司，酥皮中間一樣有少少飯，上面就有少少三文魚，酥皮比較硬，麻麻地好食。來到熱食先來一個燉蛋，熱辣辣又有蛋香，食到底仲有隻蝦，接著燒物就到，串燒及羊架，還有焗蠔，焗蠔好好味，蠔上面有個芝士汁，令到焗完隻蠔唔會乾身，仍然食到蠔的鮮甜味，值得推介。食食下有店員拎左碗湯過黎話係送的，湯都足料，蘿蔔、粟米，足料夠晒甜，仲有啲咸，不過熱辣辣的湯幾正，食左咁多壽司，可以中和下！最後叫左天婦羅，最特別的一種天婦羅就是天婦羅Oreo！即是炸Oreo，真的沒有食過，幾有趣，Oreo外層像是多了酥皮！