鈴木珈啡館 (Closed)

放工約左朋友飯聚經過見到SUZUKI CAFE D 甜品好似幾正咁WOR 就咁比佢吸引左埋去啦~ 食DESSERT 之前就緊係要食正餐先啦, 叫左個牛柳獲仔飯, OMG D 牛柳仲硬過石頭,無味得黎又咬十世都未吞得, D 汁又唔夠攪到D 飯乾憎憎, 最後食完半個唔食LU~ 朋友叫左個意粉都係麻麻地, 所以我地都係趕快叫佢上甜品。朋友果個心太軟好正, 熱啦啦,D CHOCO 真係一切開就會流出黎, 唔似D 有D 地方切開左入面都係實吉吉咁。見朋友果個咁正, 提高左我對我個拿破倫既期待, 點知… 唔係唔好食既..不過D 吉士超級無敵勁多, 有D TOO OVER, 感覺超級肥膩咁, 一切個酥餅D 吉士係旁邊跑晒出黎好不雅觀。酥皮唔難食不過都唔係好食LOR, 比起TONY WONG 同灣仔果間真係差好遠, 最後要挑減D 吉士出黎勉強食埋個皮。全晚其實都無啖好食(除左食左朋友個心太軟一啖之後)呀陰公。