天翔吧

Open Now

Now Closed

年頭同屋企人食過一次，已經覺得幾好，今個月適逢做蟹的主題，於是再去試下。餐廳環境相當唔錯，而且服務可以說是五星級水準，一去到已見到好多不同的蟹，刺身，生蠔，好吸引。先試左幾款蟹，有長腳蟹，鮮甜多汁。有凍花蟹，好多膏。有麵包蟹，大隻又多紅膏。最後試埋咖哩炒蟹，好香口。可以說滿足所有蟹痴既要求。接著試生蠔，大隻而鮮甜，我共食了兩打。其他刺身亦相當新鮮，有三文魚，八爪魚，鯛魚，吞拿，好新鮮。特別一提就係牡丹蝦刺身，大隻又新鮮，食幾隻已值回票價。當晚最好飲的，就是西湯的蟹湯，蟹味真係好濃，當晚我就飲了三碗。熟食方面，肉眼牛扒真係好正，肉香多汁，而其他熟食還有蟹肉伊麵都有大酒樓水準。每人大約四百多，環境好舒服，真係一家大細，朋友飯聚既好地方。