Hunter & The Chase (Closed)

上星期六，同朋友去咗呢間位於上環嘅西餐廳食咗個性價比非常高嘅美式brunch~只需要二百幾蚊就可以食到頭盤、主菜同甜品，仲包埋嘢飲，加少少錢仲可以飲到雞尾酒添，認真抵食！頭盤有三款，包括牛肉串燒、炸物同埋cold cut。牛肉串燒嘅牛肉都幾腍，配上黑醋一齊食，食落就唔會好膩～炸物有兩款，餡料唔同，一款係芝士通心粉，另一款係撕碎左嘅豬肉，炸物炸得夠曬脆，豬肉嗰款味道比較特別，我都係第一次食到呢款炸物～Cold cut 嘅種類豐富，有莎樂美腸、風乾火腿同用紅菜頭醃製嘅煙三文魚～全部味道都好好，煙三文魚嘅味道最為特別～另外仲有凱撒沙律添！主菜其實有好多款可以揀，包括炸雞窩夫、漢堡包、豬肋骨同牛排等等～我同朋友都揀咗有排～牛排外層燒得幾香口，夠腍，而且牛肉味都幾濃郁～配上略帶蒜味嘅醬汁一齊食就更加惹味啦～另外，仲可以任添薯條！甜品方面一啲都唔馬虎，有三款可以揀，分別係新鮮水果、白朱古力椰子蛋糕同埋朱古力蛋糕。我同朋友就揀咗水果同朱古力蛋糕，水果有好多款，有紅莓、哈密瓜、蜜瓜同菠蘿等等，食落清甜，都幾新鮮㗎！朱古力蛋糕整得超級好食，蛋糕口感濕潤，朱古力味非常濃郁，最特別嘅地方紮起蛋糕中間落咗紅莓