九份飽 (蜆殼街) (Moved) New Location

兩點幾三點都要排隊入座，證明味道都唔會差得去邊，見到每人離座職員都認真消毒，枱面有好大支酒精比客人使用，好貼心，好小餐廳會每枱都提供。另外最底讚係用膠袋套主啲餐具，確保餐具衛生，所有職員都帶上口罩以及手套，真係好嚴謹。因為疫情無得去台灣，唯有食台灣野思鄉啦，一間價錢親民但食物好有水汁，先講佢既飲品，可以選擇唔同既甜度，有正常、少糖（8分）、半糖（5分）、微糖（3分）、走糖（0分），岩曬食野要求高既香港人。另外仲可以加唔同既配料，珍珠、仙草、椰果等，真係台式飲品店。直得介紹就係花枝丸，即叫即炸，炸完之後一啲都唔油，十分彈牙，好似魚旦咁彈，咬開之後仲見到有章魚，真係又平又好食。之後就係海苔肉鬆蛋餅，岩岩正好上碟，外層既雞蛋柔軟既外皮，加上海苔肉鬆十分配合，好冇台灣風味。