Cafe 1950歐陸餐廳 (Closed)

笑話一則 話說，相約媽媽在娘家附近晚飯，以下whatsapp對話：-下午-我：今晚一齊食飯，1950等啦媽：ok-晚上-媽：今晚食咩？我：1950媽：我問你食咩，唔係問你幾點呀....===========================在媽媽這個街坊眼中，原來係get唔到這店是 cafe 1950 ，她稱這店為"靚餐廳"好啦，入正題 !大熱天時，想食清爽沙律，就點了。。~煙三文魚沙律~ 生菜泛黃且乾，賣相講真有點點失望，幸好醋夠酸，煙三文魚也很不錯，挽回不少印象分。~牛扒配薯菜~ 賣相靚仔，薯條即炸起，上枱時霧著熱煙。我最喜歡細細條的翡翠苗，令成碟野加分加分。牛扒我們點了4成熟，媽媽起初擔心太生，幸好廚師處理得剛剛好，未有紅血汁滴出，合乎媽媽對牛扒之執著。切開牛扒感覺嫰滑，雖則不是濃濃牛味，但口感，肉質也算合格以上，而且吃不出有鬆用粉味，感覺自然。燒汁咸咸地，更能帶出鮮味，點薯條也不錯，好過點蕃茄。薯條即炸，夠香脆。~鵝肝多士~ 無諗到屋邨會食到鵝肝，見平平地，就膽粗粗點一份和媽媽"些牙", 比預期中大件，用刀一切開 ，多士爽脆"索索"聲，鵝肝煎得香脆，媽媽怕太