西龍纤味 (Closed)

見到團購有 : $15 一碗蜜汁豬扒紫米湯拉麵在樂富的西龍纤味咁底食一定要試吓嗱 ! 第一時間想起有位好友在附近住，可以相約她一齊聚吓，即時便購了兩份。約咗朋友在地鐵站出口等，由她帶我到樂富廣場1樓的西龍纤味，我們入內坐下，只有兩三枱客人，雖然她居住在附近，但她表示這是新開的，所以也未曾在這裏幫襯過，我給了兩張coupon比侍應，另外我們再加點了兩款小食 : 酢炸雲吞 (28 元)、醬燒五香雞翼 (38 元)。傾吓食吓都八點幾，由六點幾至現在，一直只見樂富廣場的人流極少，真係唔明白這些店舖如何維持生活。總括來說 : 食物的質數及味道都不錯，但份量較少。蜜汁豬扒紫米湯拉麵 : 豬扒及湯拉麵分開上非常好，豬扒醃製入味、肉質鬆化，好好味 ! 可息拉麵份量太少唔夠喉，算吧嗱 ! 呢個只係團購價$15咋 !酢炸雲吞 : 炸得幾好，不太油，但份量真係太少嗱 ! 醬燒五香雞翼 : 和豬扒一樣非常入味，只係得五六隻實在太少。