日之食放題館 (Closed)

雖然幫襯左日之食好多次，十隻手指都唔夠數，不過今次第一次為佢寫食評，一上黎見到咁多喊臉，有點的感覺。都黎不及一一細看，立眼睇落好多負評係因為佢服務態度，同埋好多冇相的食評但我食左咁多次，冇受過不公平對待，更加冇話服務態度差成咁我差唔多次次都係２個人去食，佢對我地態度都好好好有禮貌，今日拖埋妹妹同埋友人去食，８點１ｘ分去到，唔洗等位，企係３樓門口戈陣等人帶位，企係收銀戈個叔叔態度極之好，語氣真係好到不得了對於放題，一直有身邊人話要食刺食食到翻本先得奈何我係一個不沾刺身的人，日之食最特別之處係除左放題外，仲有火鍋或者鐵板燒任君選擇哇哇係豆乳同埋泡菜啊，一次過有晒岩我既２種口味，太好了！不過初頭問，侍應話冇泡菜架（因為張紙都冇呢個湯底選擇）後尾遞左張傳單比佢睇，佢就話幫我問下～唔夠５分鐘就返黎同我地講叫我地唔洗寫單～佢幫我地同廚房落為求試真的湯底，當然要飲下頭啖湯先啦。酸酸味味少少辣，同埋有少少乳香，好好味啊當下好想當湯飲....不過為左要留返黎烚野食，都係口下留情好的食火鍋之前食左好多野，壽司唔多講，普通既水準，燒肉都係不過不失，不過今次有的失手，件件都燒焦少許，刺身的三文魚友人話普普通通