Forever 友緣西餐 (Closed)

有緣相聚去左外國多年既朋友，於是約左佢黎友緣餐廳相聚，聚舊之餘亦品嘗一下美食。 周末既中午已經非常熱鬧 每人都會有一杯Welcome drink 我地點左兩個周末午餐套餐。一開始便有蕃茄雜菜湯和法式蒜蓉麵包。雜菜湯不太辣，可以接受。蒜蓉包對筆者來説蒜蓉份量太少，多一點味道更佳。 主菜有厚切加拿大黑毛豬同安格斯肉眼扒。黑毛豬肉質鮮嫩，煮熟後不太乾身，仍能留住肉汁。而且非常厚身！！差不多有兩隻手指咁厚！醬汁除了原有既燒汁，仲有蘋果醬及芥末醬，可以視乎你既喜好調配口味。 兩隻手指咁厚既黑毛豬 !!! 安格斯肉眼扒叫左五成熟，牛扒周邊位置有點燒焦。還好中間肉眼位置味道不錯，肉質細嫩，能保持五成熟既口感。友人都覺得這餐廳食物不錯，特别係黑毛豬。 最後點了一杯特飲Forever Punch，感覺酸酸甜甜, 酒味不太重, 中午飲起黎幾醒神。呢到既特飲名字都係以forever 開首，中文都以親情友情愛情等命名，可以睇到店主有幾重情。 係友緣餐廳能與多年冇見既朋友相聚，一面品嘗美食佳餚，一面高談天南地北，實為人生一大享受。