Video
Read full review
2022-11-07
1546 views
🌃 食肆為中菜館， 位於土瓜灣瑧尚UPlace2樓， 鄰近土瓜灣港鐵站A出口，餐廳走現代風典雅路線， 樓底好高， 空間感十足， 仲有卡位可以選擇，坐得舒適。.🌃 今次小編進食係晚市時段， 選擇了 秋聚大閘蟹套餐， 星期一至五價錢每位只需$388/1位，就食到好豐富嘅 大閘蟹盛宴。.🦀 清蒸大閘蟹兩隻👉 每人有兩隻公， 每隻重約五兩， 五両嚟講已經算係大隻嘅級別， 大閘蟹即叫即蒸， 一上菜嘅時候熱辣辣， 一打開嘅時候嘩了一聲， 啲膏多到流咗隻手度，爆曬膏， 食完蟹膏之外， 再食蟹腳都有唔少肉，食落好鮮甜，蟹味都幾濃郁郁平時食放題嗰啲大閘蟹， 多數啲蟹腳細到食唔到肉， 呢一隻都食到唔少肉， 可想而知有幾大隻。.🍸 荔枝番茄伴拉絲水牛芝士條👉 呢一個小食感覺好西式， 賣相幾精緻， 用個杯裝住荔枝同埋蕃茄， 食落酸甜甜咁樣，可以解膩， 而水牛芝士條炸得幾香口， 將佢一分為二咁樣拉絲可以好長。.🍜 菠菜松露帶子湯👉 本身湯底嘅顏色令到小編有啲卻步， 不過諗落又好似幾好飲， 菠菜同埋松露味都幾濃， 同埋個湯嘅質地都幾smooth， 此外仲食到啖啖嘅帶子粒， 感覺幾足料。.🍤 蒜片牛油鳳尾蝦👉 兩隻
.
🌃 今次小編進食係晚市時段， 選擇了 秋聚大閘蟹套餐， 星期一至五價錢每位只需$388/1位，就食到好豐富嘅 大閘蟹盛宴。
.
🦀 清蒸大閘蟹兩隻
👉 每人有兩隻公， 每隻重約五兩， 五両嚟講已經算係大隻嘅級別， 大閘蟹即叫即蒸， 一上菜嘅時候熱辣辣， 一打開嘅時候嘩了一聲， 啲膏多到流咗隻手度，爆曬膏， 食完蟹膏之外， 再食蟹腳都有唔少肉，食落好鮮甜，蟹味都幾濃郁郁平時食放題嗰啲大閘蟹， 多數啲蟹腳細到食唔到肉， 呢一隻都食到唔少肉， 可想而知有幾大隻。
.
🍸 荔枝番茄伴拉絲水牛芝士條
👉 呢一個小食感覺好西式， 賣相幾精緻， 用個杯裝住荔枝同埋蕃茄， 食落酸甜甜咁樣，可以解膩， 而水牛芝士條炸得幾香口， 將佢一分為二咁樣拉絲可以好長。
.
🍜 菠菜松露帶子湯
👉 本身湯底嘅顏色令到小編有啲卻步， 不過諗落又好似幾好飲， 菠菜同埋松露味都幾濃， 同埋個湯嘅質地都幾smooth， 此外仲食到啖啖嘅帶子粒， 感覺幾足料。
.
🍤 蒜片牛油鳳尾蝦
👉 兩隻鳳尾蝦都幾厚身， 加上用牛油煎過， 所以有好重嘅牛油香味， 加埋脆蒜片一齊食， 可以昇華到另一個層次， 而底部有一啲菇菌類， 撈埋牛油會好正。
.
🦀 蟹粉小籠包
👉 本身係原個小籠包， 旁邊鋪滿蟹粉醬， 熱辣辣食都幾正， 不過蟹粉嘅味道唔算好出。
.
🍲 杞子浸菜苗
👉 個主角反而係蟲草花， 有勁多蟲草花鋪喺面， 而下面係菜苗， 加上杞子等配料， 份量都有唔少， 而個湯底係經過煲過都幾鮮甜， 整體感覺不錯。
.
🍚 臘味糯米飯
👉 小編都好耐未食過糯米飯， 宜家正值秋季， 好適合食了， 材料有細細粒嘅臘味粒同埋花生， 加埋煙煙靭靭 嘅糯米飯一齊食好香口。
.
🍜 薑茶湯圓
👉 因為食完大閘蟹比較寒涼嘅關係， 餐廳都好貼心咁奉上了薑茶湯圓 ， 可以有驅寒嘅作用， 呢一個嘅薑茶嘅薑味都幾重， 仲有兩粒芝麻湯圓喺入面， 裏面有滿滿嘅芝麻流沙餡， 都唔算好甜，食完成碗之後，個身有暖暖嘅感覺。
.
📍聚聚
土瓜灣九龍城道68號瑧尚UPLACE2樓203號舖
.
*此價格只供參考及以當時為準，實際價格或會與本文章有所差異。
-
Post
