阿麥廚房 (Closed)

久違同朋友食飯，當然要上網睇下去邊食野啦。而今次就走左去加路連山道既一間西餐廳食個飯晚。仲記得以前放學既時間都會路過呢一度，個陣冇咁多既餐廳，估唔到咁耐冇去呢一度居然多左好唔同菜式的餐廳。朋友最愛就係食鹹豬手，所以一早就打電話book枱啦。七點到去到餐廳已經見到好多都留左枱，所以想食就記得book定枱啦。佢地既環境都唔錯，坐得舒服，岩哂傾下計同食下野。每人叫左一個Dinner Set，有前菜、湯、主食同飲品，佢地既SET選擇都好多大蝦占米多，入面有菇、洋蔥同切左粒的大蝦，大蝦夠爽口彈牙~香煎法國鵝肝配焦糖酒醋草莓，呢個真係好有驚喜呀，鵝肝厚身，外層煎得香內裡軟滑，一啖入口，油分慢慢滲出來，食完真係再想食呀蟹肉南瓜忌廉湯，放入大量的蟹肉加上香濃的南瓜和忌廉，口感軟綿幼滑~~黑松露菌忌廉湯，朋友就覺得黑松露好濃郁~主菜出現啦，德國式燒鹹豬手，份量超多，鹹豬手出到呢既時候已經切好一件件方便食用。鹹豬手既外層燒到脆卜卜，肉質嫩滑而且唔會好鹹。薯條炸到好香脆黑松露麵包蟹意大利飯，香濃既黑松露係分開上，可以自行將黑松露放入飯撈埋一齊食。意大利飯軟硬適中，每食一啖就會有滿滿的蟹肉。