麵家山下 (Closed)

良心小店麵家山下（元朗店）就結業喇😭緊係要趕尾班車喺朝聖啦！（題外話：排隊期間聞到隔離間小店嘅雞脾好香，下次一定要試下~）拉麵DX $80拉麵DX揀咗掛湯嘅幼麵同香濃嘅黑蒜湯底，配上筍絲、香蔥，兩隻糖心蛋，同四片焦香嘅火炙薄切叉燒，大滿足！拉麵 $60拉麵揀咗彈牙嘅粗麵同濃厚嘅味噌湯底，雖然得兩片叉燒唔多夠喉，但如果係細食嘅女仔，份量就啱啱好喇~章魚燒 $28可惜我係大食嘅女仔，留肚係為咗食章魚燒~~章魚燒外脆內軟，多醬多木魚多紫菜，仲有7粒咁多，一個字，正！Bikkle $22睇落似益力多，飲落就似可爾必思，不錯~