棠記雲吞麵 (Closed)

看完TOY STORY 3早場, 果然精彩, 不枉我咁期待, 之後又係搵食時間, 既然黎得葵芳, 就唔返去荃灣食了選了棠記, 因為在商場唔駛熱, 也因為其他食客既麵看來不錯, 坐底先發覺原來價錢超平, 一餸麵只是$11, 兩餸麵或一餸麵+汽水也只是$16, 在商場貴租既情況下都做左咁耐而又做得住, 應該有其獨特之處既然店名叫得雲吞麵, 當然必試細容了, 另外叫了一碗牛腩鮮牛粗麵, 一試其功力雲吞麵一碗有四粒, $11黎講很不錯, 雲吞是傳統豬肉蝦肉雲吞, 爽口得黎很不錯, 可是豬肉味有點蓋過蝦味, 如果蝦味重番d會更好, 老婆很喜歡那個全蛋麵, 我吃了一口真是不錯, 無皂水味無發水, 但麵條沒粗麵彈牙留意到呢度無水餃只有雲吞, 可惜牛腩鮮牛粗麵, 相比起幼麵, 我覺得這裡的粗麵更好味, 也更彈牙, 牛腩切粒, 也很有牛味, 附送的牛筋很腍, 兩者吃完都不會有千年牛腩汁那很口乾的感覺鮮牛肉也很腍, 但少了點牛味, 不過作為雲吞麵配料是合格了, 但始終不及牛腩出色葵芳由細行到大, 但一次都無食過, 真有點相逢恨晚既感覺, 也發現原來荃灣也有分店, 找天再試下荃灣分店吧