616牛肉火鍋專門店 (Closed)

一向都好鍾意食打邊爐，咁橋喺網上面見到呢一間616。就入去試吓，佢主打係食牛。有唔同國家嚟嘅牛，同埋食牛嘅唔同部位，起碼有三40款揀。我地點左鴛鴦鍋酸菜湯底配牛骨鍋，兩邊都好正。食過咁多款，我鍾意食啲比較肥，嫩滑滑淋嘅部位，強力推介牛上肋，牛胸肉，手打牛丸同埋牛肉餃子。封門柳係一個比較稀少嘅部位，我個人就麻麻哋，因為比較chewy，脂肪比例比較低。我地點左兩支菊花桂圓茶，都幾好飲。埋單每人$200 ，我覺得性價比好高。全餐都好滿意！唯一一樣野係，夜晚我同朋友瞓覺時，都覺得好口渴，可能有啲味精。