Burger Mix (Closed)

1月9日, 今日同呀菲都想試下呢間新開嘅漢堡飽小食店, 睇過電視節目介紹, 佢唔係由外國引進, 係由一名香港人自己創業, 佢話金融海嘯嗰陣驚冇咗份工, 又襯租平, 所以自己出黎創業, 而家分店都有幾間~ 見到咁有試意, 我地都一定支持!::: 下午茶 芝士火腿蛋漢堡餐 配可樂 ::: $17應該係即叫即製, 因為都等咗10分鐘先黎~ 漢堡飽上芝麻多到得人驚, 嚇咗一跳~ 漢堡飽有微微烘過, 所以少部份有d燶… 芝士, 火腿, 蛋都唔係難整嘅野, 所以食落平平無其, 不如去麵包店買個火腿蛋包都係$5. 唔可以話佢唔好食, 但係睇唔到佢有用過咩心機去整~ ::: 芝士蘑菇手打牛肉漢堡餐 配忌廉 ::: $28呢個正常餐多咗薯條, 想見識下佢手打牛肉點樣咁手打法, 不過又一次失望, 如圖所見一來芝士蘑菇少得出奇, 只佔成個漢堡飽3份1, 其他只有牛肉嘅地方就好乾… 牛肉睇得出係手打嘅, 因為舊肉跟本就唔夠黐實埋一齊, 好散好似食碎肉咁.. 牛肉亦唔夠juicy, 對於已經冇乜汁嘅包黎講真係乾骾, TRIPLE O 好味過佢多多聲… 另外要一提忌廉梳打, 感覺好似另外再加多咗梳打水咁, 勁多梳