饞。台式食堂 (如心廣場二期)

Open Now

Now Closed

放假去左荃灣既商場食lunch, 不過周圍都要排隊, 揀左間少人排d既餐廳食。之前經過看似平平無奇, 無無諗過味道幾好。叫左2個一人餐, 牛筋牛腩麵, 椒鹽香酥雞排配手撕雞飯 跟餐會有酸辣湯/甜品選擇。飲品就可以跟餐加錢。椒鹽香酥雞排配飯 $69加左$18轉手撕雞飯, 手撕雞份量都幾多下。椒鹽香酥雞排炸得幾好食, 椒鹽味好香, 唔會只有鹽味個種雞排都幾嫩!牛筋牛腩麵  $88湯底味道好香香料味, 牛筋牛腩份量都幾多, 牛腩幾淋。可以選擇陽春麵或刀削麵, 今次揀左陽春麵, d麵幾滑。另外加左個小食 - 滷水豆腐滷水豆腐口感好特別, 同一般食開既豆腐質感好唔同, 呢款滷水豆腐有d彈牙口感。跟餐各加$12叫左蒟篛球白桃烏龍茶 & 仙草奶綠蒟篛球白桃烏龍茶唔會好甜, 都幾清甜, 幾好飲。原本想叫珍珠奶綠 但剛剛無哂珍珠, 要等廚房煮, 要40分鐘, 所以改左仙草奶綠。不過都幾好飲, 奶綠會比較重奶味, 同樣味道幾清!甜品係青檸愛玉凍, 食落似啫喱, 但比啫喱彈牙一d。夏天好岩食。