薄餅巨人

Open Now

Now Closed

今天和朋友去元朗玩,晚飯打算去稻香食火鍋,但係又要等位,諗住都係幫親返大排檔,行到入來發現左呢間pizza店,見到個5人餐,有個大pizza,意粉一款,和燒烤骨,仲有5罐飲品,另加左4件炸雞都係200多d蚊,算抵食就試下啦,但係都冇咩特別期待,都係pizza啫,間間都係咁上下o架啦,於是我地簡左個千島風情批, 蒜香牛肉長通粉, d野都好快到,但係個批o既芝士真係比其他地方多好多,個批食落又很鬆化好好味,但係我覺得個炸雞和燒烤骨,真係做得好出色,熱辣辣一d都唔乾,好juice,我估佢地應該係即炸先可以做到呢個效果掛,而個燒骨亦都十分夠味,佢地都有跟d bbq汁比我,但係我覺得佢本身個味都ok點左汁反而好似side 左咁!! 服務都ok,店員好nice,唔會好公式化咁,我地最後食剩了兩件pizza,有個店員問我地係咪因為唔好食,我地話因為太飽啫,唔關是......佢話不如打包夜d食啦,仲教我地如果凍左可以用個煎pan 干番熱佢先食會好d.........真係值得一讚!!