初芋 (Closed)

尋日我就好想食冰，就同男朋友食完飯行經過見到呢間野就試吓啦。咁尋日係平日同埋時間都尚早所以唔洗等就有得入。坐低好快就㨂好要一碗”仙草芋泥芋圓”& “抹茶綿綿冰（1人份”。個收銀員就話因為個冰1人份嘅碗無哂所以得2人份，咁都照要咗2人份。碗”仙草芋泥芋圓”好快就上咗，份量比想像中少但都慣間間糖水鋪都縮緊水。第一時間梗係試吓個芋泥先啦！話哂都招牌嘢喎。滿心期待！拎起匙羹去𢳂中間個舊芋泥，勁硬要好用力先𢳂到一啖🙃硬都算啦，口感仲要係好鞋！勁唔好食😥😥😥而且碗野又話凍但一啲都唔凍，啲仙草同芋圓似擺咗出嚟一陣🤷🏿‍♀️之後隔咗陣上埋碗”抺茶綿綿冰（2人份” 咁個碗都幾特別嘅理解佢無1人份碗所以無法提供。因為兜芋泥已經好難食，我就唔抱任何期待去食。真係估唔到冰都可以咁難食救命！第一，兜冰上枱個陣面個層白色冰已經溶緊，𢳂多兩下仲要已經係咁流出嚟🙂多謝哂！個碗入面擺乾冰入去原來係得個裝飾！第二，個抺茶唔係冰嚟！！係雪糕！！！我食到成頭問號🤷🏿‍♀️咁你唔好話你係抺茶冰啦！而且白色個層牛奶冰口感都唔似冰！勁似溶得7788嘅雪糕咁🤯我用咗128蚊買咗個勁難食2人份雪糕🙂🙂第三，個蛋白係發唔起，成pat野咁，正