釜山炸雞批薩

Open Now

Now Closed

好耐冇去過韓國，估唔到馬鞍山開咗間韓國小店，見到入面有幾多人食，一定要去試吓先！點知有驚喜，入面嘅味道同當年喺韓國旅行識到嘅小店味道一樣。同老闆傾偈先知道，原來無論係老闆或者廚師都係韓國人，所以先有正宗嘅韓國味道！ 個人特別推介香辣牛肉湯，好適合鍾意食辣嘅我，牛肉煮得非常之香，而且好稔身。韓國人蔘雞，滋養補身，價錢又唔貴，入面足足有半隻雞嘅份量，好足料！另外推介燒豬腩肉，上枱嘅時候仲要係熱辣辣啱啱燒好，不停咁冒煙。不過一定要點嘅係炸醬麵同埋韓式炒粉絲，佢用嘅炸醬麵質地真係有韓國入口嗰隻面，非常滑身，但係又有咬口，再配埋嗰炸醬，真係幾啖就食完！實在太好食了飲品有好多唔同嘅韓國飲品，例如提子汁蜜桃汁，我哋點左韓國米酒😆😆真係好正！好似返返去韓國咁，下次要再嚟試吓呢度嘅炸雞同埋Pizza！