大久保日本料理 (Closed)

四年前同同事嚟過。當年SARS爆發，大家都戴住口罩嚟開飯。由於有九男女，同事booked咗間房。個人一向鍾意私人空間，所以都覺得幾好。兩小時任食，不過啲嘢食嚟得好慢，尤其比較要成本嗰啲，而平嘢同飽肚嘢就快少少，務求質飽你。由於係我生日兼歡送，都玩得好開心。有個唔知乜鬼壽司蛋糕送，不過當時我都食唔落，冇掂過。事後同事都話啲嘢食唔得，唔會再去。個人覺得最搞笑係因為入房要扮日本人咁除鞋，啲鞋就擺晒喺門外走廊，而門口對正其實就有卡位，仲要唔係隔得好遠。到我哋走嗰陣就對住卡位食緊嘢啲人著鞋，真係替佢哋難受。心諗：如果唔係入房，我一定唔會嚟食。