君臨宴會廳

Open Now

Now Closed

上次做冬吃不到這間君臨，唔忿氣，今次跟同事再來飲茶。果然，若不是做節的話，呢度並不是咁多客人的，大把位任揀。韭菜豬紅是老總的至愛，可惜這碟出品很不濟，吃落是凍的，在下面的就好少少。但豬紅不香，韭菜有渣，已經可以形容。要了叉燒腸粉，又是不夠熱，腸粉皮厚得很，當然唔會滑，叉燒也很一般；另點一籠包，有三款，分別是叉燒飽、雞飽仔和流沙飽。我沒有吃，但看得出流沙飽是沒有流心，據報叉燒飽都唔好食。一籠蒸點，四隻，兩隻蝦餃兩件粉果。我吃了一隻蝦餃，是絕對的皮厚，勁黏筷子，蝦肉不爽，又是皮肉分離，是最好的反面教材。腊味蒸飯，並不是用糯米飯，只是白飯，還有些生米，明顯是下水不均勻所致。腊肉沒有肥瘦相間，瘦的部份硬得咬不開；潤腸亦算不上甘香，是腊腸比較好一點。唔記得點左腊味蒸飯，又走去劃一個腊腸卷。這裡的腊腸卷其實是鴛鴦，即一條是腊腸，另一是潤腸。承包了潤腸的那條，大致可接受，起碼是熱的，皮軟熟，潤腸雖不甘香，也不會太難吃。這類酒樓，試過便算，不用返兜了。